السلام عليكم ورحمة الله وبركاته
شوفوا البنات انا بغيت نعطيكم واحد الخلطة سحرية للشعر كتخليه كيحمق اخدتها من عند واحد البنت تركية خدامة معايا عرفتوا شعرها كيهبل بالقوة و صحة و اللمعان اما واحد اللون كيخرج العقل انا ديما كيسحاب لي صابغاه حتى لداك النهار ونا انقول غادي انسولها على الرقم او هي تصدمني بقيت غير كانشوف فداكشي اللي كتبات لي
المهم مشيت شريت اللي خصني انا ما خاسرة والو .اوا جيت او عملت الخلطة السحرية لشعري بقيت بها النهار كلو من بعد غسلتها،دهنت شعري بزيت اللوز او تسنيتو حتى نشف طبيعي،وااااااااااااااو ما انقوليكمش روعة او فرحت لانه ما كنتش كنقدر نغسل شعري او انخليه كيخصو دائما السوشوار
ما نطولش عليكم هاهي الخلطة:
حلبة حبوب_حنة_دانون مسوس_عسل-بيض-خل-الباربا مسلوقة-حبوب اتاي-زعفران حر-كل الزيوت الي عندك.
الطريقة:
كتفزكي الحللبة فالما و تخليها تبات،فالصباح تاخدي الما او ديري معاه الزعفران و اتاي و خليهم يغلاو حتى يطلقوا اللون حطي لباربا للي سبق ليك سلقتي في مولينكس او زيدي عليها داك الما للي غليتي او طحني،صفي الخليط فصفاية رقيقة.او هداك الما الي حصلتي عليه هو للي تخلطي بيه كلشي اللي بقا او خليوه يخمر.
البنات و الله حتى هاد الخلطة سحرية رجعات لي شعري غزال بعد ما كان شوهة ب لي جيل او لي موس.عفاكم الي دخلات تدعي معايا الله يبعد علي الاشرار
09-10-2008, 05:07 AM
.gif){kind=icon}
اجيوا دخلوا شوفوا الخلطة السحرية شنو عملت لشعري
المواضيع المتشابهه
العرض العادي
