بسم الله الرحمن الرحيم
انا ولد عمري 14 سنه سرت اكره امي ومااطيقها وهيا متزوجه قبل بابا واحد وجايبه منو بزوره واطلقت عشان اتجوز وحده تانيه وبعدين اتجوزت بابا وانا اخر العنقود من الاولاد وتفضل اخواني ايلي من امي اكتر مني وتقولي انتا واطي وبس تضارب معايا وتصرخ وتفل في وجهي ودايمن تقولي ابوك وصخ حق ..........وتكرهني فيه ولمن اجلس مع بابا يقولي اومك وصخه وحقت ........ويكرهني فيها ودايمن لمن اطلو بها شي ماتسويلي هوا وماتششجعني اني اطلع من الاوال في المدرسه يعني حتى لو رسبت عندها دا الشي عايدي ودايمن تقول على اخواني الي من ابو تاني انو هوما مستواهم اعلى من مستواك وانتا ما تسوى ضفر رجلهم واي شي يطلوبها هوا تجبلهم ماتقولهم لا ولمن اروح اكلم بابا يقولي انا اصلن حااطلقها وانتا حتجي معايا واعيشك احلى حياه ولمن كونت صغير عومري كان سته سنين كان كول مره في الاسبوع اخروج معاه عشان كان مطلقها وكان يقولي كسر مكياج اومك قطع ملابسها وزي كدا كان دايمن يسلطني عليها ولمن كبرت فهمت انو ايلي جالس اسويه غلط ودحين لمن اجلس معاهم اقولهم انا لمن اكبر ابا اسير دكتور نفساني يقوم بابا يقول عشان تعالج اومك وانا اقولو لا عشان اعالج البيت كولو وماابغا منكم شي المهم انكم تتعالجو وبابا يروح العمل يرجع يجلس يتغدى وينام ومايبغا احد يكلمو ويقوم بعد 3 ساعات على طول يخروج برا البيت ايلين الليل بعدين يرجع ينام وعلى دا الحال انا حاسس اني يتيم مافي احد يسأل عني كولهم يحطموني وانا ولد مجتهد لكن ماازاكر واجيب نسبه86كونت كول يوم ايام الاختبار اقوم 3 الليل ازاكر ايلين 5 ونص واروح المدرسه ولمن ارجع محد يسئلني كيف الاختبار معاك سرت اكره ادخول البيت بس اجلس في المقهى ولمن ارجع البيت بس انام ولمن اقوم اخروج عشان ماابا اشوف احد ودحين في الاجازه اقولهم ابا ادخول معهد انقليزي يقولو لي دحين اجازه اتمتع لسه معهد وكلام فاضي انا ابا اتعلم بدال مني جالس اتسربت في الشوارع
المهم ايلي ابغاه منكم تشوفولي حل مع ماما ايلي بس تكرهني في بابا وتنزل مستوايا وفي بابا ايلي يسوي نفسو بري وانوماما الغلطانه هيا سبب المشاكل وفي اخواني ايلي يشوفو نفسهم عليا حتى الصلاه عندهم عايدي صليت صليت ماصليت عايدي وانا والله مافي يوم انام الا لازم ابكي نفسي احس انو انا ليا ابو وام واخوان يحبوني بس اصحابي ايلي هوما معايا بليزززززز والله دايمن افكر انتحر بليززز شوفولي حل ايش اقولهم عشان يحسو بيا ومايحسسوني انو انا يتيم 
08-03-2008, 01:00 AM
انااكره امي
العرض العادي
