السلام عليكم و رحمة الله
مساء الخير ان كانه مساء صباح الخير ان كانه صباح ياحلوين
انا اليوم جايبتلكم خلطة للشعر من كثر ما اعجبتني واستفدت منها حبيت اجيبها لكم
بس من جد مره حلوه ونتيجتها تبان من اول استعمال وعشان الامانه انا هذي الخلطه قريتها في احد المنتديات بس اللى كتبتها ما حددت المقادير بس انا سويت كميه تكفي الشعر لغسله وحده يعني كل ماحبيتي تغسلي شعرك سوي منها وما حبيت انقلها لكم الا بعد ماجربتها و اضفت عليها شوي وشفت النتيجه بعيني المهم ما اطول عليكم بالهرج عشان لا تقولون قرقر واجد .... هههههه _ نرجع للخلطه
مكونات الخلطة :
نعناع اخضر .
شاهي اخضر .
ليمون .
كوب ماء ورد او زهر او كاذي .
ماء عادي .
تحطين كل هذي المكونات في قدر وتحطينها على النار الين تغلي وبعدين اطفي النار وخليها في القدر ساعه
وبهذي المده سوي لشعرك حمام زيت جاهز .....
او انتي سويه في البيت
(زيت خروع + زيت الثوم + زيت النخاع + زيت زيتون ) اومجموعة الزيوت اللي تناسب شعرك
اوه ..... تعبت خلوني اخد نفسي .....
وبعد مرور ساعه ........
اغسلي شعرك من الزيوت بالشامبو واخر شي خذي مغلي النعناع والشاهي الاخضر واليمون وصبيه على شعرك اذا تبين تغسليه بعد كذا اغسليه او خليه بشعرك عادي لا تغسليه انا جربت الحالتين
والله كانت النتيجه مررره روعه بس اذا داومتي عليها والله هذا كلام صاحبت الوصفه انقله لكم تقول راح يطول شعرك خلال شهر 15 سم .
على فكره انا استعملها يوميا بس كل وحده بكيفها ممكن تستعملها كل يومين او مرتين بالاسبوع عادي اتمنى انكم تجربوها وراح تشوفي الفرق ولا تحرموني من ردودكم الحلوه...
ولي رجاء عندكم اللي تقرا الوصفه امانه تدعيلي ان الله ييسر امري ويفرج همي
ومشكورين حبايبي
07-26-2008, 12:45 AM
شعرك يطول 15 سم خلال شهر واحد انشاء الله ادخلي
المواضيع المتشابهه
العرض العادي
