عينن تصافق كما برقـن ورعـادي
وامطار سحبن تخل الارض ممطورة
والناس ترقد وانـا مالـذّ برقـادي
من سبت اللي بنا فالقلب مقصـورة
مقصورتنٍ وامتركي فيهـا بشـدادي
ودقات قلبي بشوف الضيف مسرورة
واصبح قليبي اسير العشق منقـادي
امكبلن بالسلاسـل عنـد ممهـورة
اسير ماله طليب ولا لـه اسنـادي
في وسط بيدن بها العشاق مقبـورة
واقلبي اللي غـدا سـرداد مـردادي
يبغى يشوف الحبيب وياخذ الصورة
بس الحبيب امتغير واصبح امعـادي
كأنها لبـوة(ن) فالغـاب مسعـورة
وادمت قليبي بطعنت سيف محـدادي
طعنت عدوّن سعا بالحرب واشروره
والقلب يصرخ بعال الصوت وينادي
جرحي عطيبن ويعجز فيه دكتـوره
واليوم ماله بوسط القلـب مقعـادي
ومقصورتن شيدتها اليوم مهجـورة
لا عاد حبن يزيد الجرح لا عـادي
ولا عاد ليل السهر لا عادت اشهوره
ومالوم ناسن تجاز الغـدر بابعـادي
ولا شك ناسن تذوق الغدر معـذورة
.jpg)
.gif){kind=icon}
واقلبي اللي غدا سرداد مردادي
العرض العادي
