مذكرات مراهقة { للبنات فقط }

[فتاة الاسلام]

صديقة العمر

انا اخدت الحضانة والصف الاول والتاني في مصر وبعدين سافرت السعودية وكانت صديقتي اسمها اسراء

وكنا اصدقاء لدرجة غير عادية وانا منت عارفاها من اقبل ما ادخل الحضانة لان والدها كان تاجر حبوب وكان عنده

محل تحت بيتنا عشان كده كنت بنزل العب معاها ولما دخلت الحضانة انا كنت في فصل وهي كانت في فصل

بس ما سكتناش بكينا وبكينا وبكينا عشان ينقلونا في فصل واحد<<<هههه كنا لسه صغيرين , لغاية ما

نقلوني معاها في نفس الفصل.

لاني مكنتش اعرف اي حد غيرها وهي كمان ما كانتش تعرف اي حد غيري المهم طلعنا سنة اولى

بس الحمد لله كنا مع بعض في نفس الفصل وكمان في سنة تانية كنا في نفس الفصل وفي اليوم الاول من

كل سنه كان لازم نقعد مع بعض في ديسك واحد . وكان معروف هالة مش بتقعد في اي ديسك غير مع اسراء

واسراء مش بتقعد في اي ديسك غير مع هالة انا يعني .

وفي اجازة سنة تانية بابا قال ان احنا بنسافر السعودية وكانت صدمة بالنسبة لي لأن كنا اصدقاء لدرجة غير

عادية وكنا بنحب بعض

جدا جدا جدا وكان لما المدرسه بتعمل رحلات كنا لازم نروح مع بعض يعني مكناش بنفارق بعض ابدا .

ودي اول مرة اسافر لوحدي من غيرها.

بس لما سافرت السعودية كان فيه تواصل بينا بالجوابات وكنت بتكلم معاها على الايميل بس ما كانش

ايميلي كان ايميل اخوي الكبير لانه صديق اخوها ومع بعض في نفس الفصل وكانوا بيتكلموا مع بعض على

الايميل فكنت ببكي عشان يخليني اتكلم مع اسراء وهي كمان كانت بتعمل كده لان اخوي واخوها عاملين

فيها كبار ومش بيخلونا نتكلم اخوي واخوها بس هما بس اللي كانوا بيكلموا بعض .

والله ما فيش اي كلمة من اللي انا قلتها فيها كذب او تكبر

وان شاء الله برجع افضفضلكم اكتر

بااااااااااااااااي

[سهام]

شكرا حبيبتي لفضفضتك يا ريت يتشجع الأعضاء البنات و يفضفضوا زيك

[بنت الفتح العاصفه]

....... شكرا على فضفضتكم اه وبتمنى بالعموم انكم اتعلقوا على مواضضيعي بليز وانتو يا بنات ففضفضوا اد ما ابتقدروا اوووووك يلا شاركوني

[سهام]

يلا حبيبتي فين فضفضتك

[{ روـبـے ,,]

السلام عليكم ورحمة الله وبركاته

فكرة حلوة سهومة ,, لكن لابد مايشوف الشباب الي بنكتبوا

وانا مااحب هيك ,,

عالعموم لي رجعه ان شاء الله

تحياتي

روبي

[سهام]

أظن إن في كتير مواضيع كدا مش من حقك بصراحة تفرض عليا رأيك