شئ نستخدمه ونغفل عنه ياربة البيت انتبهي اللهم بلغت فاشهد‏

[غـزيـل]

السسلام عليكم
مدري وين احط الموضوع هو هنا مكانه مناسب ولا لا
المهم الموضوع مهم مرهـ لك افراد الاسسرهـ
وهو جاني على الايميل وحبيت انقله لكم لتنبيه


راح احكي لكم القصه اللي صارت في العماره اللي ساكنه فيها وخذوا الحذر..

في يوم من الأيام كنت سهرانه على النت لأن ولدي كان صاحي فاضطريت اني اسهر معاه

المهم دخلت المطبخ عشان باقي شوية مواعين اغسلها دخلت شميت ريحة حريق استغربت !!!

دورت مصدر الريحه ماحصلت والريحه كل مالها تزيد المهم دخلت على زوجي صحيته..

قلت له: قوم في ريحة حريق في المطبخ...

قام دور على مصدر الريحه لقاها جايه من الشباك اللي مطل في المنور ...
قال لي: تصدقين شكل الشقه اللي تحتنا فيها حريقه اخاف اللي فيها نايمين ومو عارفين ان شقتهم تنحرق..

قلت روح بسرعه انزل لايجيهم شئ مساكين..

المهم نزل تحت الشقه شاف الدخان يطلع بشكل موطبيعي من شقتهم المهم جلس يدق الباب عليهم ومحد يرد عليه .......

اكتشف انهم مو موجودين.. وجلس يدق يدق .. جت الحرمه وزوجها من برى كانوا..في زواج.

طالعت الحرمه في زوجي وشافت دخان اللي طلع من الباب راحت على طول فتحت الباب وخرج الدخان وقعدت تصيييييييييييييح والله يابنات صياحها وصل عندي وانا في الدور اللي فوق المهم جلست تصيح على عيالها لأنهم في الشقه ... والشقه فيها حريقه المهم جلست تبكي زي المجنونه وتردد تقول: عيالي مالي غيرهم عيالي بينحرقون..

المهم ليله طويله ودقينا على الدفاع المدني ودخلوا وطلعوا عيالها .. الحمدلله كانوا عيالها نايمين
في الغرفه ومقفل الباب عليهم...
وطفوا الحريق...
المهم ايش سبب الحريق اكتشفو ان سبب الحريق هي...

الشفاطه

ايوه الشفاطه اللي في المطبخ تاركينها 24 ساعه تشتغل
وذابت المكينه وسوت حريقه في المطبخ والله يابنات دخان الحريق جلس يومين في العماره من قوة الريحه...

لذلك يابنات انتبهوا
يقول صاحب الشقه انا كنت في بيتي مع العيال 5 دقايق خرجت من بيتي عشان اجيب اهلي من الزواج
وصارت الحريقه..

انتبهوا ياربات البيوت الشفاطات في المطبخ او في الحمام قفليها قبل ماتخرجين لاتنسينها والله ماعرفت خطورتها الا بعد هذا االموقف اللي صار..

اسأل الله ان يحفظنا بحفظه

.

[ملاذ1]

يسلمو يا قلبي على هذا التنبيه
جزاك الله الف خير
تحياااااتي لكي

[احلى حضريه]

والله ماعمري طفيتها

دايم مشغله

يعطيك العافيه ع التنبيه

الله يستر علينا

ومشكوره حبيبتي ع الطرح المفيـــــــــــــد

تقبلي مروري

[Smooth_Bint]

ألف ألف شكر غاليتي غزيل على طرح الايميل
الهام لا عدمتك ويارب الكل ياخذ الحذر والحيطه
من شفاطة الهواء وعدم تشغيلها 24 ساعه..
دام تألقك وأهمية مواضيعك لا عدمناكِ..

[غـزيـل]

العفو حبايبي
مششكورين على المرور
منورين بطلتكم
:)