بسم الله الرحمن الرحيم
في البدايه اعذروني لاني راح اكتب بالعاميه والله لو اكتب فصحى محد بيفهم
ما اطول عليكم
الموضوع جاء في بالي من مواقف شفتها بعيني وبعضها اسمع عنها
غالباالأب يخرج من البيت وما يشوف زوجته واولاده إلا ساعات قليله
يعني يا دوب يجي من الدوام يتغدى ويحط راسه وينام
إذا صحي العصر او المغرب لبس ثوبه وقال عندي مشوار .مشغول.مرتبط مع الشباب والمشكله انه شايب.
إذاجاء في اليل ما يغير ثوبه طبعا الرجال مهم يا دوب يتعشى ويطلع (ابسهر مع الشباب)
يرجع من السهره ابو الشباب الساعه 2 ،3ما ابالغ إذا قلت 4و 5
ينام ساعه ساعتين قبل الدوام وما يقدر يصلى الفجر بوقته لأنه ياحرام مسكين تعبان من السهر
يصلي قبل ما يروح الدوام طبعا إذا تذكر
يرجع من الدوام 2الظهر داااااااااااااايخ
يتغدى وينام و إذا صحي خرج
وهاكذا كل يوم نفس الحال مو داري عن العيال ولا دراستهم وش يسوون
ولا يتابعهم ولا ينصحهم ولايوجهم وإذا تدخل مايتعامل إلا با لضرب
والسب والتجريح
ويقول التربيه هذي مهمة الأم
مسكيييييييييييييييييييييييييييييينه الأم
:ماتدري وين تلقي
تنتبه على الطفل الرضيع
ولا البنت المراهقه
ولا الشاب المتهور
غير الطبخ والنفخ والضيوف والعزايم( حشى سوبر مان مو ام ضعيفه )
لالالالالالالالالالالالالالالالالاوبعد مو عاجبه اول ما يدخل البيت يمد البوز
والنفس شيييييييييييييييينه وينفخ ويقول لزوجته إنتي ما تهتمين فيني
والنتيجه من كل هذا الإهمال :
البنت تغازل مصدقه نفسها داخله جو
:_والولد يدخن
او يحشش مو صاحي_فاشلين في الدراسه
نفسياتهم تعبانه قلق ومشاكل في البيت والمدارس الأم محطمه لاحول لها ولاقوه
ماغير تبكي
من القهر
وإذا عرف الأب بلاوي عياله يزعل
ويثور ويحمل الأم المسؤليه كامله (إنتي ما ربيتهم 0هذي اخرة الدلع0فينك عنهم)
إلي يسمعه يقول اب مثالي
مع الناس الأغراب امير ومع اهله شيطان رجيم
بلله إلي زي كذا وش يكون
غير واحد ما يخاف الله شتت عياله وضيعهم
يغلي الأغراب ويرخص اهله
يقرب الغريب ويبعد الحبيب
لاتقولون مافيه احد كذا والله والله والله والله
كثييييييييييييييييييييييييييير
واتمنى من كل اب يحط اولاده وزوجته واهله دائما فوق كل شي واهم من اي شي
يعني عائلتي قبل كل شي
وبيشوف الفرق ملموس في دراستهم ونفسيتهم وسلوكهم مع بعض
اهلك اولى من غيرهم تسهر معهم وتاخذ اخبارهم وتسمع هموهم ومشاكلهم ومافيه احد بيحبك اكثر منهم
خلك دايم قريب عشان لو وقعو في الغلط تساعدهم قبل فوات الأوان
معليش طولت عليكم ولا تاخذوني إذا اسلوبي مو ذاك الزود :
ابي اعرف رايكم
واتمنى اكون قدرت اوصل الفكره
: اتفلسف خخخخخخخخ
والسلام عليكم ورحمةالله وبركاته
مزاجي: 
بابا فين
العرض العادي
