الشباب يضيعون بدون خواتهم ( دخلوااااوشوفواا )

نجمة مسا · #1 07-11-2006, 10:34 PM


	تخيلوا خواتكم اللي اهم خواتكم مو موجودين !! صدقوني راح تصير مشكله !! لــيــش ؟ وتقولي بعد ليش ؟؟؟!!!!!!! * مين اللي لي سهرت تروحلها وتترجاها .. تكفين جوووعان سويلي أي شي وتقوم وتسويلك بيض وحليب شكولاتة ولا كورن فليكس غير اختك ؟ مين اللي لي سافرت تجيب لك هدايا اللي اهي من نوع ( كذ ه ) وتشتريلك كم تي شيرت ... غيــر اختــك ؟ ....وانت اذا سافرت تشتريلها برواز ودب وشباصه يعني هديه خطيره !! لا واذا راح بلد اوروبي يجيب ككاو تقول طاقهم الجوووع وما عندهم ككاو!! مين اللي تحط لك المفتاح تحت الدواسه على ما تجي حضرتك من الاستراحه بعد ما تلعب كوت بوسته وتطالع مباريات كوبا امريكا غيــر أخـتــك ؟ مين اللي لي انقلبت بالبقي في المخيم راحت تسولف مع أمك قبل لا تطلع وتشوفك ويرتفع ظغطها أربعين الف على ما حضرتك تقوم من الارض عقب ما تضحك على نفسك ... مين اللي لمه تحرق مصروفك تروح لها يعني من نوع ريال و ما ابي اخذ من امي وابوي عشان لا يقولون ماتعرف اتحكم بمصروفك مثل البزران ومسكينه تصدق بعد ما تقولها يالله الربع بيروحون رحلة ترضين اخوك يقعد بالسياره مامعه ولا ريال ؟! مين يسويها غير أختك ؟! لا وعقب هذا تلقاك لاف على البيت كله بما فيهم الام والابو !!! مين اللي اذا كنت مستعجل وراجع من صالة البلياااردوتدق عليها وتقولها تكفين طلعيلي التي شيرت كذا والشورت كذا ولا تنسين كبوسي اللي كذا ..علشاني ترا الخدامه كل مره اتعفس الشغل ما تعرف ... منو تظبطك غير اختك ؟ مين اللي لاعاقبك ابوك اليوم مافي طلعه ....الامتحانات قربت ادرس تروح لها وتحن عليها روحي قولي حق ابوي( حراام شكله مسكين ربعه يدقدقون عليه يحرونه )وتروح تقنع الوالد وترد تقولك وتنقز وتقول والله انك راعيتها وبواسطتها طلعت واستانست منو هذي ؟؟ غير اختك !! من اللي لي كشت بساعه العربي تجيب دفتر صديقك ..اذا ما عليك امر نقلي لي اياه انا عندي اشياء ثانيه بنقلهم وتساحلها ...وتصدق وتنقل وتجي لغرفتك تعطيك الدفتر تلقاك تطالع التلفزيون وطايح له ضحك !! مين غير اختك ! مين اللي تكتب لك تعابير العربي والانجليزي غير اختك ؟ *مين اللي لي ضاق خلقك ناديتها تلعب معاها كرة قدم غير اختك ؟ مين اللي تترس لك السيارة بانزين لمن ما يكون لك خلق تطلع تترسها ..... غير اختك <<== هذا طبعا مو عندنا بالسعوديه اللي عندهم هذي الخدمه .. منو اللي اذا دخلت سيارتك السيرفس بالوكاله تقعد تترجاها تكفيييييين خل اخذ سيارتك شوي عشان مايبي سيارة الشركه ..غير اختك؟ <=== وبرضوا هذي الخدمه غير متوفره حاليا .. ومين ومين ومين ومين غير يووور سستررر ؟؟ طبعا الموضوع منقووووووووووووول 0 وشكراااااا

نجمة مسا · #2 07-12-2006, 01:10 AM


	وين الردود ما عجبكم الموضوع ؟ :) :a010:

نجمة مسا · #3 07-12-2006, 03:35 PM


	بانتظار الردود بفارغ الصبر :62_f:

نجمة مسا · #4 07-12-2006, 06:29 PM

اقتباس:

المشاركة الأصلية كتبت بواسطة نجمة مسا


	وين الردود ما عجبكم الموضوع ؟ :) :a010:

الله يسامحكم

عاشقة السعودية · #5 07-13-2006, 02:50 AM

هههههههههههههههههه
والله حبيبتي صدقتي ليت يعرفوون وش قدرنا؟؟؟؟؟؟؟
وش قد سوينا لهم ؟؟؟؟
تسلمييييييين يااختي عالموضووع يعطيك ربي الف عافية

ودمتم بود .................

نجمة مسا · #6 07-13-2006, 09:13 PM


	تسلمين على المرور يا عاشقة السعودية لكن وين باقي الاعضاء