وصية خاصة مني(mhsmm_9111) كيف تصير السحلية دلوعه !!

[روح العاشق]

السلام عليكم جميع الربع والربعات

اليوم عندي عرررررض خاااص لجميع سحالي تولين الشابات فقط
أما العجز فياويل اللي بتقرب منهن والا تحاول تطبق توصياتي (نور الدنيا وشلتها)

نرجع للسحالي الامووورات ( أمحق أمورات مش حالك )
عليك بإتباع الخطوات التالية بحذافيرها...


1.لا تلمين شعرك ابدااااا بل دعيه يسترسل(( ابوك ياللغة) ..والفحي به يمنة ويسره بدلال

2.اذا كنتي وسط مجموعة بنات او في عزيمة تكلمي بصوت منخفض جداً يعني أخفضيه لاقصي حد وتكلمي ببطأ شديد ورقة وبنعومة ومططي الكلام قد ماتقدرين .. (( مو تجلسين تصارخين وانتي تسولفين ولا تصيرين كأنك مسجل بطاريته مقربه تخلص )

3.اجلسي على طرف الكرسي وحطي رجل على رجل... ( يااااهوووة على الدلع يالبى العرب )

4.اذا احد قال كلمة شعبية عندك حتى لو تعرفينها ابتسمي وقولي ايش؟ مافهمت ولا تنسين تنقزين حواجبك لين تاصل قذلتك ( وهذي تراها تعني علامة تعجب )علشاان تسوين نفسك كشخة ومااايحتاااج

5.اذا احد قال شي يضحك اضحكي بنعومه هكذا ههههههه مو وانتي تضحكين كذا خخخخخخخ

( ياباباه ياضحكة بعض العرب )


6.سبلي عيونك وحركي رموشك كثير وحاولي كثير تطالعين السقف (. ياعيني على الحركاااات(

7.لا تفتحين فمك كأنك عند دختور اسنان وانتي تاكلين وخاصة العلك والاحسن انك ماتاكلين علك


8.اذا شفتي حشره او اي شي يطير صارخي ( اصررررخي واركضي ولا يردك غير سطح أهل البيت اللي انتي معزومة عندهم خخخخخخخخ)



9 من ناحية اللبس البسي كلشي عليه صور دببه وإلا بساسه ( قطاوة ) والا ارانب واشكال والوان... واهم شي روحي محل اكسسوارت واشتري كل الشباصات الصغيرة وصفيها على شعرك
( أمحق صار كراسة رسم ماهوب شعر )

10 لازم انك على طول تشترين دباديب وقلوب وصور بزارين وحركتااات وكثري من الاشياء الغربية ( والله ومشى سوق محلات الالعاب )

11 طبعاً لازم تقولين انك ماتطبخين ولا ترتبين حتى غرفة نومك )ايه مسوية بنووتة ودلووعة وماتسووي حاجة ابد كل اللي تسويينه أنك تنادين ياماما والا يالشغاله ) ( أمحق دلوعات عزالله ان تعنسن خخخخخخخخ)

12 طبعا اذا طلعتي تتمشين او تتسوقين في احد المجمعات امشي اقل من مهلك كأنك تمشين على بيض وخايفة لا يتفقش ( يتكسر ) هذي الموضة هالايام يعني مثلي انك راكدة ورزينه [

طبقووهاا وشوفووا النتايج

وأدعوا لي أن الله مايطرحني بوحدة مثل دلعكن هههههههههه :plaugh2: :d010: