أول الحواديت

[آمال البرعى]

أنا مش حسانى وحتى كيانى
كإنه إتبدل واحد تانى


أنا مش عارفانى
ناسية حروف إسمى
وناسيانى
حتى ملامحى مش فاكراها
ولا فاكرانى
كل مشاعرى دابت فيك
حتى عروق نبضى
وآيامى

:03911:

لو كان أمرى وف إمكانى
أقدر أعيد لكيانى
كيانى
حااعاند نفسى تانى وتانى
وأرفض أرجع أعيش
ف زمانى
وتفضل إنت مالك أمرى


:010:
وكل مشاعرى ليك
واخدانى

[آمال البرعى]

ولسه عنيك بتندهنى
وترسمنى
بنوته حلوة
بضفيرتين
وحلم ساكن عمرها
سابق سنينها
بخطوتين

:chirol_ma

ولسه عنيك بتندهنى
وترسمنى
وتحلم زيى وكإنى
مابين الرمش
والنينى
إنت ساكنى

:chirol_ma

ولسه عنيك بتندهنى
وباتدهها
وعاشقة حتى
ترحالها
أسرانى ف كل
أحوالها
وياريتنى أوفى
أشواقها


:chirol_ma

[آمال البرعى]

حاسة إيدىَّ
مابين إيديك إتكلموا
وإتشاقوا لما سلموا

:015111:

حاسة إيدىَّ
مابين إيديك إتكلموا
وإتعلموا
لغات جديدة
إتعودوا
يدوروا عليها
لما يبعدوا
وإتشاقوا لما سلموا

:015111:

حاسة إيدىَّ
مابين إيدك إتكلموا
وغنوا لما هللوا
إرتاحوا لحظة
ولما بعدوا إتألموا

:015111:

[آمال البرعى]

ماتسلمش مشاعرك لىَّ
وده تحذير
أنا ف مشاعرى باكون
أنانية
بحاول أسيطر أكتر واكتر
لحد ماتبقى أسير ليالىَّ
ليه
مستغرب إنى باصارحك
مش كده أحسن إنى أفاجئك
بردود فعل تكون عصبية
ساعتها تشك
ف مشاعرى وفىَّ

:plaugh2:

مش عيب فىَّ
إنى باقولك
أصل طبيعتى دى
مش بإيدىَّ
كان لازم أواجهك
قبل مانبدأ
لازم أحدد رأيك فىَّ
مش كده أحسن إنى
أفاجئك
بردود فعل تكون
عصبية
ساعتها تشك
ف مشاعرى وفىَّ

شكراعلى الموضوع

[آمال البرعى]

حـــــــــــــدودك سفـــــــــــــر
بدايتك رعـــــــــــــــــــــــــود
غيامة مطر
وكإنى رايحة أغامــــــــــــــر
بعمـــــــــــــرى اللـــــى باقى
وكإنى رايحةأرمـــــــــــــــى
روحـــــى ف الخطــــــــــــر
إستنى باقــــى لحظــــــــــــة
أنا لسة فيها قــــــــــــــــادرة
أتراجــــــــع وأعتــــــــــــذر


أنا لمـــــــــا عديت حـدودى
عشان أوصل حـــــــدودك
كان مالينى الحـــــــــــــــذر
ماحرقتش كـــــــل مراكبى
بضمان وجــــــودك جنبى
عشان كـــــــان لسه عندى
شوية بعـــــــــــــــــــد نظر
إستنى باقـــــــــــــى لحظة
أنا لسه فيها قـــــــــــــادرة
أتراجـــــــــع وأعتــــــــذر