يوم في حياة عضو

LoOoOoLzZz · #55 03-01-2008, 11:25 PM

مرحبااااااااااااااااااا..

مساء الخييير على حياايب قلبييي..

سورييييييييييييييي وربي دووبي وصلني خبر اني مستضااف..

يسلمو مريوومة انك استضفتييني واخييرا احد استضافني في برنامج ههههههههههههههه ياعييني سرت مشهوور..

يسلمو سوسو انك نبهتييني عالاستضافة ياعيوني..

راح ابدا اشرح يوومي بكل بسااطة..

امممممممممم صراح يوومي نمووذج لليووم البسييط الروتيني يعني مو دايما متغير وخصووصا ازا كان يووم درااسي..

في ايام الدراسة بصحى طبعا بروح المدرسة بضحك مع زملائي واصدقائي واحااول اركز مع المدرسيين واقضي وقتي بين فهم وتركيييز وضحك ووناسة مع اصحابي..

ارجع البييت احيانا اتغدى واحيانا لا..

واصحى من النوم عالمغرب او على حسب درجة التعب اللي انا فييها وبعد ما اصحى..

بجلس ان كان عليا واجبات بحلها وبعديين اجلس مع امي شويا واشووف ان كانتت محتاجة مني شي اعملها هوا واتفرج على شوية تلفزيوون وادخل عالنت شويا وكدا يعني وان كان عليا بعض المشاويير اروح اعملها وارجع انام على السااعة 1ونص كدا..

وطبعا ما انسى ضرووري جدا فترة التهزييئ اللي باخدها من والدي وانا رايح عالمدرسو وكمان وانا راجع من المدرسة لاني بروح وبرجع معاه بس على ايش بتهزأ الله اعلم ههههههههههههههه..

دا بالنسبة لايام الدرااسة..

اما بالنسبة للويك اند وللاجازاات فدي بتكوون احلا عن ايام الدرااسة بيكوون فيها بعض التسلية والخرجات مع اصحابي وان ماكاانو اصحابي متوفريين بخرج لوحدي او مع اخواني وخصوزوصا اخويا اللي اكبر مني على طوول لاني انا وهوا اقرب اتنيين ليعض في البييت...

واهو الايام بتمشي والاوقات بتسري بين جد ولعب ونزهة ومرض والحمد لله على كل حاال..

طبعا ما انسى تقرييبا اهم جزء في حياتي وهوا حياتي العاطفية ودي الحمد لله عايشها على اسعد وجه مع احن مخلووقة في الدنيا واللي بحبها وبموت فييها وكلللكم تعرفووها واحب اقولها الله لا يحرمني منك ابدا ياحياتي ياسوسو..

دا باختصار يوومي وسووري ان كنت نسييت شي اوقصرت بس لاني متلخبط شوياا هههههههههههههه..

يسلمو مرة تانيا يارييمووشا العسل على الاستضافة اللطييفة..

تحياتي للجميييع..

LoOoOoLzZz