ابتدى انا انا طبعا اسمعيلاوى بس بصراحه زكرياتى الحلوة معاه قليله فنفك منه شوية ونروح للاهلى
الاهلى دة بقى زكرياته بالهبل معايا يلا نبتدى:
أولا الفوز التاريخي على ريال مدريد والمباراة دي الواحد كان في قمة السعادة والفخر .
وبعدين مباراة الأهلي والزمالك (مباراة الستة الشهيرة) وتعليقات الكابتن مدحت شلبي (بيبو وبشير بيبو والجون ، وايه الليله دي يابيبو خلصت فيك كل الكلام يبني )
ثم اللحظة الحزينة والمؤثرة جدا وهي خبر وفات عصفور الاهلي محمود عبد الوهاب وللأسف انا كنت في مصيف ساعتها وطبعا الواحد معرفش يستمتع بحاجه بعد سماع الخبر ده .. الله يرحمه
أما اللحظة الأهم والتي لا يمكن ان تمحى من ذاكرة أي اهلاوي فهي لحظة الهدف التاريخي للاسطورة أبوتريكة في مرمى الصفاقسي على استاد 7 نوفمبر في رادس
الواحد كان فقد الأمل تماما في البطولة دي ولكن جهود متعب وفلافيو وتهياتهم الكرة لتريكة ثم التسديدة الهائلة ،،، وجوووووووووووووووووووووووووول
وحالة من الجنون والهيستيريا اصابتني واصابت الجميع
يا رب تنعاد الايام الحلوة دي تاني وانشاء الله هتتعاد السنة دى لما الاهلى ياخد كاس افريقيا تالت مرة عالتوالى
ده ملخص كده لاهم لحظاتي مع الاهلي
09-29-2007, 01:20 PM
المواضيع المتشابهه
العرض العادي
