مسلم ومسيحية ارجو النصيحة

[wizardman]

مسلم ومسيحية
بعتقد الموضوع مبين من عنوانو ومافي داعي للشرح بس انا حابب احكي مشان تساعدوني وكمان مشان فضفض شوي لان النار عم تاكلني من جوا..........انا شب متل كل هل الشباب بأول طلعتي ومرة من المرات كنت ماشي انا وصاحبي من قدام مدرسة للبنات شفت صبية طالعة من المدرسة ما رح اعرف اوصفا بس الله يقدرني واعطيا حقها بالوصف كان شعرها ناعم اشقر سبل بياخد العقل ولون وجها حنطي ولون عيونا عسلي كانت كتير مجذبة وناعمة بعتقد هي هيي البنت يلي بقولوا عنا يلي بشوفا بدوب فيا دغري وبحبا من اول نظرة يمكن هاد رأيي بس لما تشوفوها بتعذروني اكيد.. والصدفة الحلوة انو اسمها على مسمى كان اسمها ريم والكل بيعرف انو اسم ريم بيعني الغزال المهم صرت كل يوم وقف قدام مدرسة ريم بس مشان شوفها كان اليوم يلي بيكون عطلة او بتغيب فيه كان نهاري كلو بينقلب نكد وهم وغم كأن هل البنت كانت فرحي بالدنيا وكل هاد كنت لسا ماحاكي معا بعد مرور خمسة اشهر على هل الحالة قررت اتعرف عليها عن قرب فصرت كل ما تطلع من المدرسة الحقا من بعيد لبعيد مشان ماحدا يحس اني عم الحقها هيي وبنفس الوقت كنت فرجيها حالي وصرت متل ظلها وين بتروح بتلاقيني حتى مرقت فترة كانت كل ما تنزل من البيت تلاقيني قدامها وبعد جهد كبير قبلت هل البنت انو تتعرف عليي وحياة الله كنت حس انو هل البنت الي وما لحدا غيري وكنت موت عل الارض لبتمشي عليها والصدمة الكبرى يلي حرقتلي قلبي من جوا انو طلعت هل البنت مسيحية وانا مسلم وقتها عرفت انها مسيحية كأنو شي كبير كتير بحياتي انكسر بس بنفس الوقت فكرت اني خليها تحبني وتتعلق فيي بركي بتترك الدنيا مشاني المهم هيي عرفت اني مسلم مع هل الشي ما رفضت انو تتعرف عليي مع انو كان الي رفقات كتير كانو يحاولوا يتعرفوا عليها بس ما تقبل وعشت احلى ايام عمري معها المهم بعد فترة من تعرفي عليها عن قرب ومعرفتي لشخصيتها اللطيفة البريئة والصادقة فتحت موضوع شو نهاية علاقتنا وقلتلا انا جاهز للارتباط قام قالتلي والفرق لبيني وبينك.......قلتلها انو هيي توافق وانا بزبط كل شي قام قالتلي انا صرلي فترة اسبوع عم فكر بهل الموضوع وبشكر الله انك انتي فتحتوا لاني ماعرفت كيف بدي بلش فيه طلعت فيي وعيونا مغرغرين بالدمع يا حبيبي والله يلي هوي بيعرف شوفي بقلوب العالم اني بحبك اكتر من أي شي بهل الدنيا بس انا وياك ما لبعض وياريتك غير هيك او انا غير هيك بحبك بكل ما عطاني الله من احاسيس وحياة الرب بحبك بس اذا كملنا مارح نرتاح ابدا لا من ورا اهلي ولا من ورا اهلك ولا من ورا العالم... انا كنت متجمد بأرضي وماحكيت ولا كلمة مسكتلي أيدي وقالت حبيبي انا ما قصدي اجرحك بس انا مافيي اتعلق فيك اكتر من هيك والله لما فكرت بهل القرار ضليت طول الليل سهرانة وانا عم ابكي بس لابأيدي ولا بأيدك شي نعملوا... شديت على أيدها وقلتلها انت موبس جرحتيني انتي دبحتيني ودمي مع كل كلمة عم تقوليها عم يتصفى والله العظيم يا ريم اني بحبك وبموت عليكي قام قاطعتني ودموعا عم تسيل على خدودها وقتا تقعد مع حالك وتفكر بالعقل رح تلاقي كلامي صح رفعت ايدي على خدودها ومسحت دموعها وقلتلها لاتبكي ياعمري لاتجرحيني بعد لفيني بيكفيني قام قالتلي انها تأخرت ع البيت ولازم تمشي وقالتلي بحبك ولارح انساك بحياتي يا احلى شي بعمري وقتا دمعو عيوني ومسكت ايدها وقبلتهن وقلتلها بحبك وقتها غشيت من البكى ودارت ظهرها ومشيت ومع كل خطوة كانت بتبعدا عني كنت حس شمعة حياتي عم تنطفي شوي شوي رحت عل البيت وسكرت على حالي باب غرفتي وضليت اسبوع بحالو مااطلع من البيت وحتى ماشوف حدا اهلي جنوا مشان يعرفوا شو بني بس ماحدا حاسس بالنار لجواتي بعد اسبوع من عزلتي طلعت بنتيجة انو كلامها صح بس مع كل هيك شوقي الها لساتوا هوي هوي لأصرت اشتقلها اكتر من الاول صرت كل يوم روح انطرها قدام المدرسة وما خليها تشوفني حتى وصلها عل البيت من بعيد لبعيد المهم خلصت مدرستها واهلها لريم قرروا ينتقلوا من بيتهن لبيت تاني ويوم ما انتقلوا وقفت قدام باب البناء تبعها ونزلت لتطلع بالسيارة قام ضربت عيني بعينها شهقت وصارت تبكي وركدت ع السيارة... اختها بتعرف بقصتي انا وياها قام شافتني اختها وقربت عليي وقالتلي روح مشان الله تركها بقا بحالها قلتلها والله انا ماقصدي شي بس عرفت انها رح تنتقل واجيت شوفها لاخر مرة وقلتلها لاختها وحياة كل الغاليين عندك قليلها اني بحبها ورح ضل شمعة حياتي لاخلر عمري وضليت واقف بعيد حتى مشيت السيارة وبعدت رجعت ع البيت وصابتني حالة اكتئاب فترة شهر وبعدها قررت اني افتح صفحة جديدة بحياتي بس خليها هيي سطورها صرت كل ما اتعرف ع بنت حس حالي عم خونها او البنت تحس انو في حدا بحياتي غيرها وانا لهلأ ما ارتبطت مع انو ماناقصني شي بس ماعم اقدر انساها......عذروني لاني طولت عليكن بس والله اني ضايع وماعم اقدر انساها وما عم اتوقع حدا ياخد محلها بقلبي ساعدوني شو اعمل.............

[~{ سود العيون }~]

موضوع روعه

يعطيك الف عافيه

للرفـ ع ,,,