موضوع مهم متعلق بينا كلنا ارجوكم ارجوكم اتفضلوا بالدخول

[بسـ تـوليـن ـمة]

الصــــــــــداقة


فى رأيى ان اول انطباع بيجى لكلمة صداقة فى ذهن الواحد اول ما بيسمع الكلمة دى


هو الصحبيه بين البنت للبنت والولد للولد.....لكن هل بقى بيجى فى ذهنك للوهلة الاول لكلمة صداقة


انها ما بين بنت و ولد؟؟؟؟؟
دى بقى نوعية الصداقة اللى انا جاية ارغى فيها النهاردة
بعيدا عن اى افكار او انتماءات او اى حاجة



نحلل كده الموضوع مع بعضنا واحدة واحدة



وهبدأ بسؤال ...ويمكن انا عملاه استفتاء على ايدك اليمين كده وانت قاعد ...
هو فعلا فى حاجة اسمها صداقة بين الولد و البنت


؟؟؟


طب هى الصداقة يعنى ايه







مش هقعد بقى اقول مصطلحات كبيرة و اسمع الكلمتين اللى اخدتهم فى الثانوية العامة فى النص بتاع جفاء الصديق بتاع بن المقفع والحورات دى
لا بالبلدى كده



يعنى ايه صديق بجد


؟؟؟



صديق

يعنىمعاه كل اسرارك


عمرك ما تتكسف منه


تحس ان انتو الاتنين نفس التفكير و الطباع



وقت ما تكون محتاجه تلاقيه



بتعرفه لوجه الله تعالى



مش عايز منه مصلحة ولا بتاع



صديق يعنى وقت لما تعوزه تلاقيه ....فى اى وقت وفى اى مكان



يعنى ممكن تهزر معاه هزار اوفر وواثق انه مستحيل هيزعل منك






حط كل شروط الصداقة دى بقى



وحاول تطبقها بين الولد والبنت



فى مجتمعتنا الشرقية اللى احنا عايشين فيها







ينفع اتنين يكونوا مطبيقين الشروط دى مع بعض 100%ولا لا


؟؟؟



مش هتكلم من الناحية الدينية دلوقتى










لكن نتكلم الاول فى الناحية الاجتماعية


انت ايه رايك فى الصداقة بين الولد والبنت



يعنى لو كنت فى الكلية مثلا



ولاقيت بنت وولد قاعدين مع بعض لوحدهم ومندمجين مع بعض اوى فى الكلام



هيجى فى بالك ايه اول ماتشوفهم



انهم قاعدين بيفضفضوا لبعض عادى كاخوات وصحاب


ولا


عشان حاجات تانية
انا شخصيا اول انطباع بيكون بالنسبالى انهم اتنين مرطبتين



مش عارفة بقى دى نظرة محدودة ولا ايه



بس ده الانطباع اللى بيجيلى



طب مثلا



لو انت واقف كده ولاقيت واحد بيتكلم على ان راح المكان الفلانى مع زميلته يتفسحوا


اصدقاء بقى



انت بيكون ايه موقفك

؟؟؟



انا بحس ان ده غلط ....مش عارفة بقى انا بقى اللى دماغى متربسة و جاية من حلايب وشلاتين ولا الموضوع ده فعلا غلط؟؟؟



طب بلاش كل ده لو مثلا فى شغلك لاقيت موظف و موظفة قاعدين ماسكين ودن بعض ودودة وماحدش عارف هما بيقولوا ايه ...وعلى الحال ده على طول...




ايه اللى بيجى فى نفوخ حضرتك







بتتبسط وتمصص شفايفك وتقول يا سلام
ونعم الصداقة

ولا

بتقول مالهم دول


؟؟؟




انا شايفة ان صعب فى مجتمعنا ان الصداقة بين الولد والبنت تكون مقبولة


يعنى لو حضرتك من انصار الراى اللى بيقول



ان في حاجة اسمها صداقة بين الولد والبنت






بذمتك كده



هتكون موافق ان اختك او بنتك يكون ليها صديق


وانا بقول صديق مش زميل


فيه فرق كبير بين الكلمتين



يعنى تكون قاعد







تلاقى بنتك جاية تقولك



بابا انا رايحة اذاكر مع تامر صحبى



وقتها هتقولها ماشى يا حبيبتى بس ماتتأخريش



ولا


هتقوم تجبها من شعرها وتطلع المقرر على جتتها صفحة صفحة؟؟؟




او مثلا تتدخل على اختك الاوضة تلاقيها ماسكة التليفون ونازلة رغى
بتكملى مين



ده مصطفى صاحبى



هتقولها سلميلى عليه وتاخد الباب فى ايدك وانت ماشى



ولا هتكسر التليفون على دماغها ودماغ مصطفى




يا ريت نكون صرحة مع بعض


يعنى مايجيش واحد يقولى



لا طبعا فى حاجة اسمها صداقة بين الولد والبنت



ولو سالته ترضى كده لاختك



يتحمق اوى ويقولك


لا طبعا بس


انا ضامن نفسى وعارف انى بتقى الله فى بنات الناس لكن مش ضامن غيرى
يا ريت بلاش المعايير المزدوجة دى




طب بلاش كل ده نفترض ان الموضوع مش هيكون اعتراض من الاب او الاخ و كده




احنا يا بنات من نفسويتنا كده:ي



تقدرى تحكى كلللللللللل حاجة فى حياتك و يومك العادى لولد انتى معتبراه صديقك زى ما بتحكى كل حاجة لصحبتك؟؟؟؟؟
اكيد مستحيل لو حلفتيلى على المية تجمد



والا تكونى واحدة معندهاش ريحة الحياء




طب نيجى بقى للناحية الدينية



زى مانا قلت انا مش عايزة افتى من عندى واقعد اتكلم فى الدين وانا مش متخصصة فيه



لكن انا هتكلم بالسينس كده و الفطرة



يعنى ربنا بيأمرنا بغض البصر ..هل ده ينفع يطبق على الصديق؟؟...يعنى اكون بكلمه وانا مودية وشى الناحية التانية...طب ده انتى حتى ماينفعش تصلى قدامه!!! وده ايه صديقققق



يعنى المفروض بتقضى معاه معظم الاوقات


والله يا جماعة انا مش معقدة ...بس انا من اللى بشوفه فى الكلية



بحس ان فى هبل مرشوش فى الجو



البنت تهزر مع الولد بالايد عادى جدا


والولد يشدها من ايدها و الطرحة


يقعدوا لازقين فى بعض ...مش بيكون فيه 2ملليميتر هوا
بجد حاجات عجيبة



بكون ماشية اقول



اكيد بقى انا اللى غلط



والمصيبة ان لو جيت كلمت واحد فيهم كده

يتحمق اوى و يقولك



احنا زمايل


يا نهار ازرق



زمايل اومال لو اصدقاء هتعملوا ايه


؟؟؟


وبعدين فى جملة شائعة اوى تقولك ..احنا اصدقاء بس بنتعامل بحدود




طب ماشى هفترض ان فيها حاجة اسمها صداقة بحدود


مين بقى اللى بيحدد الحدود دى؟؟ ...والحدود دى شىء نسبى ولا مطلق؟؟؟


يعنى مثلا فى ناس شايفين ان حدود الصداقة انهم مثلا مايتكلموش بعد10بليل




وفى ناس تكون واخدة موضوع المواعيد ده عادى جدا يقولولك ماهى كلها اوقات ربنا


شوف الايمان




وفى ناس تكون شايفة انهم مايسلموش على بعض بالايد وفى ناس موضوع الهزار و التهريج بالايدين ده عادى جدا


انا شايفة ان كلمة حدود دى لفظ مطاطى بلغة القانون


يعنى مش محدد وواضح وممكن يتفسر على مزاج كل واحد
عموما ملخص الرغى ده كله




انا بشوف ان مفيش حاجة اسمها صداقة بين الولد والبنت


وان اقصى حاجة بتكون بينهم



هى زمالة ليس الا



وبتكون فى اطار معين



يعنى اطار كلية -شغل
وبيكون فى حدود الموضوع



مجرد احترم متبادل و كلام عام و خلصنا



انما بقى رغى وتليفونات و خروجات
ده بصراحة اللى مش ببلعه

وبعتبر ان الصديق



حبيب محتمل



و بحس ان اللى بيخليهم من بعض قريبين اوى كده

هو الشعور الفطرى اللى جوا كل واحد فيهم بالميل ناحية الجنس التانى



لكن صداقة بمعناها المجرد


ماعتقدششش
يا ريت يا جماعة اشوف ارائكوا فى الكومنتس
وكل واحد يقولى هو شايف الصداقة صح ولا غلط و يشرحلى اسبابه
ويا ريت كمان تصوتوا فى الاستفتاء عشان اعرف احدد النسب


وتنويه اخير...يا جماعة رأيى ده اكيد زى اى حاجة تانية فى الدنيا تحتمل الصواب و الخطأ..

يعنى مش قصدى اجرح فى حد ...واى حد مقتنع بموضوع الصداقة بين الولد و البنت ..اكيد وجهة نظره تحترم و احب اشوفها وجهة نظره فى الكومنتس

[هانونة]

مالوك اولا موضوعك جميل فعلا جدا وبيناقش موضوع حلو بس انا رائى ان فعلا فى صداقة بين الولد والبنت وفعلا لازم تبقى بحدود انت بتقولى مين الى بيحدد الحدود دى الى بيحددهل البنت مش الولد مع احترامى البنت هى الى تجبر الولد على الطريقة الى يتعامل معاها بيها سواء بقى اذا كانت بمنتهى الاحترام او ذى ما انتى بتقولى هزار بل ايد وشد الطرح الولد لو جة يهزر مع بنت وافور ووقفتة خلاص هو كدة عرف ان البنت دى طبعها كدة مستحيل هيزودها معاها تانى وبعدين يستحيل تبقى جامعة متتعامليش مع زمايلك انا دة رائيى فى فائق احترامى لجميع الاراء

[هانونة]

اووووو سورى مالوك اندمجت فى الموضوع ونسيت اشكرك
ميررررررررررررررسى يا قمر على الموضوع الجميل

[بسـ تـوليـن ـمة]

وانا كمان معاكي في رايك يا هانونة

وانا بشوف كمان ان الجيل اللي احنا فيه ده وخصوصا الولاد مع احترماتي لكل الولاد مش اللي حتكلم عنهم دلواتي

ان في عدد كبير منهم بياخدوا الصداقة لعب ة هزار بعد مدة معينة تنتهي بسرعة فائقة طب ليه كده
ليه بنشوه معنى كلمة الصداقة

مع احتراماتي لكل الاراء

تسلمي هانونة على مرورك الحلو

[بسـ تـوليـن ـمة]

لا عادي المهم انك مررت علي بنورك الجميل ده واجابتك الصريحة ده

يللا نبي تفاعل اكتر من كده
وانا اتمنى انو الموضوع ده يتثبت

[missdoubtfire]

اولا احب اشكرك يا ملوكة وبسمة تولين حاليا على الموضوع واسلوبك الرااائع فى طرح المشكلة وقبل ما اندمج فى الموضوع

ثانيا مفيش حاجة اسمها صداقة بين الولد والبنت فيه زمالة لكن صداقة لا اعتقد واستغربت جدا لما شفت نتائج الاستفتاء معظم الاعضاء الكرام مع احترامى لوجهة نظرهم متفقين على انه يوجد شئ اسمه الصداقة بين البنت والولد
انت بتقولى على حسب كلامك ان صداقة ليس لها حدووود والصداقة بين الولد والبنت لابد من وضع حدود لها فكيف بقى نطلق عليها صداقة

ثم ان كلمة صداقة مشتقة من الصدق الصدق فى الكلام
والايام دى بقى شوفى لما الولد يتكلم مع بنت وتشوفه صحبته وتسأله مين دى ؟؟؟؟؟؟؟؟؟؟؟؟؟؟؟

اكيد اكيد هيخترع له كذبة بيضة ويقولهالها يبقى فين الصدق بقى

وانا شخصيا لا اعتبرهذه صداقة لكنى اعتبره حب مؤقت او حب مراهقة لأن المشاعر فى هذا السن بتبقى مبعثرة وهناك تقلبات كثيرة فلا تستمر هذه العلاقات

واعتبره حب غير حقيقى لأن البنت بتغير على الولد من اى بنت تانية لكنها لاتغير على صحبتها ......... ولا ايه

يبقى فين الصداقة بقى فالصداقة لا تتطلب الغيرة

واول ما بشوف بنت ماشية مع واد بقول فين اهلها دى ازاى سيبنها كده بالرغم من كل الطرق المختلفة لتوعية البنات والاهتمام بنصحهم لكى يجتنبوا مواضع الشبهات لكنهن يتمادين فى الخطا
وان عن نفسى عمرى ما فكرت ان يكون عندى بوى فريند كما يطلقوا عليه ولا بفكر ولا هفكر وماينفعش ولا هينفع ومش عايزة يبقى عندى صديق ولد
لأنى فى زمن مش لاقية صديقة كويسة فهل تعتقدون انى ممكن الاقى صديق كويس ....لا اظن

وتقبلى مرووووورى وخالص شكرى وتقديرى لموضوعاتك
وتحياتى
اختك
ميس داوبت فير