مالقيت غير اسمي تنطقه

[همسة دلــع]

البارت الاول..

فرس اصيله يقرب مني ويمرغ راسه في حضني فرس سوداء تحس انك تبي تمتلكها فجأه سمعت صوت دق باب بس وين ماأدري انا في البحر انا والفرس بس من وين جاي دق الباب من اللي يناديني اسمع احد ينادي وين ياربي ماقي احد قربي لا اله الا الله الظاهر اني خرفت بسرعه..
(..........): البندري ووجع ساعه اناديك ولا تقومين ؟؟!!
فتحت عيني يووووه كان حلم وش سالفتي انا والفرس والبحر صار لي مده احلم فيهم يالله سترك والتفت للي صحتني من احلى نومه وكالعاده ماخلتني اكمل حلمي .
البندري:نعم خير وش تبغين مني ياالشيخه ريم؟
الريميه: احم احم اخجلتم تواضعناا اقول بلاخرابيط ماابي من وجهك شي امي تبيك
البندري :امي تبغيني ليه كم الساعه الحين؟
شوي الا البنت طايحه من الضحك تقولون انا قايله نكته
الريم من خلال ضحكهاا المزعج:وش دخل الساعه اقولك امي تبيك تقولي الساعه كم ؟
رميت المخده على وجههااا وقلت لهاا : زين فارقيني اعوذ بالله ماتخلي الواحد يتهنى في نومته
طلعت الريميه وهي تضحك علي لاتسألوني ليه هي ربي خالقهاا كذا تضحك ماعليناا منها قمت دخلت الحمام (الله يعزكم) وخذت لي شور يعني تسبحت ولبست اول شي طاحت يدي عليه جلابية بيت تقوول اعفوني من الخدمه
ونزلت عند امي: صباح الخير يمه وش حالش وش اخبارش علومش وش مسويه؟؟
امي بعصبيه واضحه خوفتني والله: لا تو بدري الشيخه ليه ماكملتي نومك
عاد انا قمت اسوق في الهبل : والله ياام خالد كان ودي بس بنتك الله يهداها صحتنا من احلاها نومه
وماوعيت الا الماي على وجهي اشوى موب القهوه اللي في يدهاا
قمت لويت عليهاا وحبيت راسهاا ورحت بدلت الجلابيه اللي استقالت كذا مره ولا قبلنا الاستقاله وببدلتها بثانيه منتحره وانقذناها ولما رجعت لقيت الفاذر( بابا يعني ) موجود سلمت عليه وسولفت معه شوي قصدي طلعته من طوره طبعا ابي معروف بدلعه لبناته بس صار لي مع ابي سنه بيناا امور عالقه تبي معالجه فوريه
شوي الا امي تكلم ابي : شوف بنتك وش لابسه اللي يشوفها يقول ماعندهاا لبس تلبسه حارمينهااا
طالعت امي وقلت : اهم شي ألبس لبس انا مرتاحه فيه صح يبه؟
الفاذر : صح ياابنيتي اهم شي راحتك....وانتهت السالفه على خير وامي كالعاده مو راضيه عن لبس الشحاتين على قولتهااا..
قعدت جنبه اشرب بيالت الحليب عشان بس اعدل مزاجي كان يسولف هو وامي وماادري ليه تذكرت سالفه يوم كنت صغيره صارت لي صرت هالايام اتذكر سوالف الخبال يوم كنت صغيره بسم الله علي لايكون بيصير فيني شي
في الافلام والقصص اللي اتابعها الناس قبل لايصير فيهم شي يقعدو يتذكرون يالله سترك ورضاك
شوي الا ابي يقول : مادريتوا بالعلم فيصل ولد اخي محمد رجع من السفر .. شرقت ببيالة الحليب توني اقول يالله سترك اعوذ بالله من هالطاري شخص بغيض الله لايعودهاا ايام الطفوله معه امحق طفوله مابغينا نكبر
قاطع ابي حبل افكاري بكلامه :الا يابنيتي بس بغيت اقولك ان الاسبوع الجاي في حفله ووصاني عمك اقولك انتي واخواتك عشان تحضرون من الصبح عشان تساعدون خبرك ماعنده الابنت وحده والخدم مايعرفون السنع ومرت عمك استحت تطلب منكم انكم تساعدونهاااا فديتك .
انا من ذكره تنرفزت واحضر بعد حفلته اوووف وش نسوي يابندر وش نسوي ايه بندبر لنا شي عشان اقعد ولا اروح سهله بسيطه بس قلت بكل برائه : انشاءالله يبه ولايهمك غالي والطلب رخيص ولوووووو
امي شافتني بنظره تقوول الله يستر من لواتك كخخخخخ
قمت عشان اخبر خواتي عن الخبر السعيد بس قلت اول اشيك على المنتديات والقصص اللي اتابعها والايميل وهالسوالف واووص لاحد يعلم ترى عيب عندنا وطر جيب الشات خخخخخخخخ
توني بقول بسم الله الا طابه علي اختي اللي ينقال عليها اخر العنقود خلود: وش تسوين؟؟
قلت لها : مثل ماانتي شايفه معكرونه بالمشاميل!
ردت بهبل :لا انتي قاعده على النت!<< تقولون اكتشفت الذره
قلت لها بتريقه: ويوم انك عارفه وش عندك تسألين
طبعا سكرت النت ورحت اعمم الخبر على خواتي الدافورااات الريميه (18) الجازي (24) عرسها بعد شهر من ولد عمي وخلود(16) اللي ينقال عليها اخر العنقود..
الريم اول سنه لها في الجامعه وبعد كم شهر بتخلصها وتتدخل في الثانيه والجازي في حجرتها قاعده على النت تدخل منتديات عالم المراه عشان تتثقف في شوو الله واعلم ماكلين عقلها الاجانب واللبنانيات وكل ماقلت لوحده عن الحفله وعن صاحب الحفله عادي مايهتموون الا على اللي بيلبسوونه ولا من بيحضر بيجيبوون لي الضغط الله يخلف على عدوهم..
شوي الاوصلوا اخواني وماعندهم طاري الا الغثه فصوووول طبعا اخواني ثلاثه العود خالد(29) لم يتزوج للان والسبب مجهول سعود(23) بيموت يبي يعرس والطلب عند الوزاره الدخليه ولم يتم طرحه لدى الوزاره الخارجيه طبعا اقصد بالداخليه الوالده الله يخليهاا لنا والخارجيه الوالد الله يهيده بس ويوافق على اللي في راسي
واخيرا وليس اخرا علي (21) جامعي فاشل مثله في الحياه فلها وربك يحلها
نرجع لمحور حديثنا
اووف هالشخص اكرهه الله يمحيه من وجهه الارض يييييييييع كله على صوب وهو واخيه سعد على صوب ناس ثقيلة دم وماينبلع
روح يافيصل ياولد محمد حسبي الله عليك و....و....و.... لاحصر من الادعيه كل اللي حافظته واللي اعرفه وادعيه انا اخترعتهاا خصيصا لفصووول الغثه لاتستغربوون تراني مااسامح الا نادرا وللضروره القصوي
دمي ينقال لونه احمر مسود.

انتهى البارت الاول منتظره ردودكم

[همسة دلــع]

ويييييييييييييييييييييييييييييييين الردوووووووووووووود

شكرا عالموضوع الرائع

[همسة دلــع]

من خمس سنين تقريبا....:
البندري: يمه فيدتك امانه لاترديني واتفشل قدام خوياتي يمه الله يخليك
ام البندري : لأ يعني لأ وش فيش اليوم تلحين زياده عن اللزوم وش تبين فيهم بالضبط
البندري بتوسل غير معهود منها ورجاء : يمه تكفين ولولا ظروف الزمن ماقلت لك تكفى اول مره اطلب منك طلب
ام البندري بعصبيه:لولا الظروف الزمن ليه وش سوى فيش الزمن ياحبيبتي وبعدين وش سالفة اول مره ذي جديده تصدقين اقول اذلفي من وجهي لا اعلم عليش ابو خالد
البندري : علمي ابو خالد من يكون هذا ايه نسيت الفاذر تبعي يمممممممممممممه فديتك والله لاشغل العرق المصري اللي فيني واجيب من الخمس الاوائل والله يمه نذر علي لو خليتيني اروح عند خوياتي لا اجيب من الخمس الاوائل
ناظرتها امهاا وقالت في خاطرها البندري لما تصمم على شي تجيبه مابغينا نطلع منها الكلمه : طيب روحي وانا بستئذن لك من ابو خالد بس لاتنسين نذرش
البندري بفرحه وهي تتلوى على امهاا :انشاءالله ماراح انسااه ياحلى ام في الدنياا فديت اهل مصر انا
لمعلوماتكم ام البندري مصريه ....







امها في خاطرهاا آه منك يالوتيه ..وراحت البندري بسرعه تبدل وتروح وهي طالعه امها : وين وين الحبيبه رايحه
البندري بصدمه : يمه بروح مع خوياتي السوق انتي وافقتي وش فيش لايكون ابوي مارخصني
ام البندري : لارخصش بس وين العزم تروحين بروحك خلي الخدامه توصلك
للعلم بيت صديقات البندري في نفس الشارع لبيت البندري يعني تروحه مشي راحت وهناك خذهم دريول خوياتها للسوق وانبسطوا هناك بس طبعا لازم يتعاكسوون خاصه اذا كانت وحده لابسه عباة مخصره وهي بنت عم وحده من خوياتها والبندري كانت مضايقه منهاا حيل لدرجة انهاا كانت تبي ترجع خلاص ماعرفت تتسوق منهاا وتجعمت عليهم شله شبااب وكان واحد منهم فيصل ولد عمهاا بس هو ماكان يغازل معهم بس لفتت انتباهه البندري شبهه عليهاا بس ماتكلم ظل سااكت الين جاء واحد ملقووف وقال : خليكم من ام عباة مخصره شوفوا الجمال الحقيقي جمل رباني مو مكياج وبلاوي وعبايات مخصره ..وااشر على البندري وطاحوا تغزل فيهاا بدون مايتكلمون معها بينهم بين يعني...... للعلم ان البندري كانت بس لابسة عباة وشيله وموو مغطيه وجههااا ...






(...): ماشاءالله وش ذي المخلووقه كل هذا جماال سبحان الخلاق
واحد ثاني : العن شوف جسمهاا هذي الخليجيه الصح اللي تكون مليانه
طبعا هذا كله فيصل كان معصب احمرت عيونه وطلع عرق في جبهته يخوف من جد
وصرف ربعه وخلاهم ينطمووون ..
وقفهااوهي رايحه لمسجد السوق .. فيصل بغضب واضح (مثل ماقلت يخوف): انتي وش تسوووين هنااا هاااه وش تسوين برى البيت بروحش في ذي الحزه؟؟؟
البندري انصدمت ماعرفت من هذا بعدين تذكرته بس قالت ببرود تام يخفي خوفها وارتباكهااا: وانت وش دخلك امي موجوده وابوي الله يطول في عمره مالك دخل
فيصل وخلاص ماسك اعصاابه على الاخر: وش اللي مالي دخل انا ...
البندري قاطعته : انت لارحت ولا جيت مالك دخل انا وش اسوي ....
قاطعهاا فيصل بكف فر مخهاااا(على الكف شهقوا رفيقاتها اللي كانوا شاهدين على الحدث وسكتوا كل اللي في السوق).... لفت عليه البندري بصراخ: انت شخص حقير ونذل وماتسوى شي ساامع (بصراخ اكبر واعلى ) ماتسوى شي .. وتفت على وجهه(الله يعزكم) وراحت للسياره ركض وخواياتها يركضون وراها متروعين من ذا الي تجرأ ومد يده على البندري
فيصل ناظرهاا وهي تركض وراح وراها للبركانات مالت السوق (مواقف السيارات) ووقفهاا وهي تركب السيااره وقال لهاا : على وين العزم انشاءالله لايكون اعتقدتي اني بخليش تركبين مع هذولا البنات ..
طبعا ام عباة نخصره هي الوحيده اللي ردت : وانت من تكون عشان تتدخل فينا..
سكتوها البنات بعد ماشافوا نظرة فيصل .. بس البندري ناظرته بتحدي وقالت : لو فيك خير ركبني معك ولا مد يدك علي وشوف وش راح يصير لك ان مادخلت السجن وافضحتك وخليتك تنسى سالفة بعثتك ماكون بنت حمد..
وركبت السياره فتح بابهاا وجا ينزلهاا مسكه حدى رفقانه اللي عرف بسالفة هذولاك الشله الفسدانه صرفهم وبعد عنهم وقاله : استهدى بالله ياارجال ماتقدر تركبها معك مانتب محرم لهااا
بس فيصل مااقتنع خلاها سالفة عنااد .. ومع نظره البندري له وقال لها : اقولك انزلي بالطيب احسن لك ..
البندري بتحدي وعناد اكبر: موب انت تبيني اركب معك وتوصلني بنفسك اجل نزلني بنفسك
هو وهي عارفين عدل انه مايقدر يمسكهاا ولا يعسهاا حتى ولا بيطلع غلطان اكثر ماهو غلطان
خلاهاا فيصل تركب السياره وتروح وهي مافارقت باله والبندري في السياره تبكي بصمت وتحاول ماتنزل دموعهاا قدامه اول مره يعرف انه حدى بنات عمه شخصيتهاا قويه وعنيده وحس انه ماكان لازم يمد يده عليهاا
في السياره البنات يلومون ام عباة مخصره :شفتي عمايلك وش صار لنا وللبنت طلعت علينا سمعه شينه مالت عليش وعلى جيتك معناا
البنت ام عباة مخصره: والله مو مشكلتي اذا كان ولد عمها معقد ومايعرف الحضاره
البندري كانت ساكته طول الكلام وكان ودها تقوم تذبح البنت بس سفهتهااا وقالت ماعادني طابه سووق الا وامي ولا حد اهلي معي عشان مااخلي واحد مثل فصوول كلمة علي بس هين انا اوريك ياولد فطيم .. ان مارديتها لك مااكون البندري....








دخلت البندري على امهاا مثل العاصفه ورمت روحهاا في حضن امهاا وهي تبكي وتشااهق
ام البندري : بسم الله عليش وش فيش يابنيتي ..
وناظرت الخدامه وسئلتهاا : شو صاار ..الخدامه واقفه مثل الهبله عصبت منهاا ام البندري : روحي جيبي ماي بدال ماانتي واقفه كذا...رجعت الخدامه بالماي وقرت عليه ام البندري وسقته بنتهااا
ام البندري : وش فيك يابنيتي ريحيني حد ضايقكك حد قالك شي قولي لامك حبيبتك
البندري وسط شهقاتها وصراخهاا بصووت عالي وبقهر: الحقير هااا النذل..هاااآه انا يمد يده علي آآآه ...قدام رفيقاتي وفي السوق اناآآآآه يالقهر انا اراويك يافصوول ولد فطيم انا انضرب البندري بنت حمد.. آآآآه يااايمه
دخل ابو البندري على صراخهاا وعصبية امهاا الواضحه:خييير وش السالفه وش فيك يالبندري من داس على طرف ثوبك ..
قاطعته ام البندري : شكل ولد فطيم بيسوي روحه علينا رجاال ..
قاطعهاا ابو البندري : اسمه ولد محمد واي واحد فيهم وويش سوى للبندري
قالت ام البندري السالفه لرجلهااا وماوقفت تقوول ولد فطيم ولاكانه نبههاا
ابو البندري للبندري : وانتي بأذن من طلعتي من البيت؟؟
ام البندري بغضب: وانا وش سويت يوم كلمتك واستئذنت لهاا منك روح عند ولد اخوك وفهمه ان مو بنت حمد اللي تنمد اليد عليهاا وبالغلط...








على اخر جمله لام البندري دخل فيصل يحاول يستسمح من البندري وابوهاا بعد مادرى ابوه عن السالفه
وقال له : غصب تروح تتأسف انت ووجهك مسوي روحك رجال كان عرفت تجيب نسبه عدله مو تفشل قوم قامت قيامتك استسمح من عمك وبنته ذا الحين ..
اول ماطبت رجله الصاله الا صراخ البندري واصله ...البندري: نعم خير وش تبغي تبي تكمل ضربك تفضل تفضل والله لاتكمل يالواطي يالنذل يالي ماتسوى تفووو عليك وعلى اشكلك يالحقير ...
ابو البندري وام البندري واقفين منصدمين من بنتهم..
حاولت تصفقه الا انه مسك يدها وقال : احشمي نفسك ياابنت لا اوريش اللي عمرش ماشفتيه شكل عمي مدلعكم زياده عن اللزوم يااعديمة الاخلاق والتربيه
ويدفهاا من قداام وجهه ..البندري : لاتكفى تعال ربيني ياااااولا بلاهاا قوله ماابقى الا فصوول يربيني اقوول روح شف بناات خوالك بعدين تعال واجهني وضحكت بكل سخريه ..
شوي الا ابو البندري منتبه وصحصح من الغيبووبه اللي كان فيهااا<< لا توو الناس







ابو البندري :فيصل ووجع ثمن كلامك واعرف انت وش تقوول من تكون انت عشاان تربي بنااتي ولا عشاان خط شنبك ولحيتك خلاص غديت رجاال ذي ماهيب مرجله المرجله كان قبل لاتحكم في الموضوع وتقرر وتضرب بنتي كان عرفت وش السالفه ولا كان عرفت حقيقة الموضوع والله ماهقيت اخي محمد مربي عياله كذا والله وطحت من عيني يافيصل ...
فيصل حاول يرد ويقول لعمه وجهة نظره بس ابو البندري قاطعه...
وقال له :وترى بيتي يتعذرك ولاتنسى ان للبيوت حرمه وقبل لاتدخل بيوت العرب لاتنسى اتحمحم وتسلم وتستئذن ولا هذي مهيب في مرجلتك ياولد محمد...
طبعا مو لازم اقولكم وضع فيصل وعمه يكلمه عينه على البندري اللي حاضنه امها وتشاهق ويقول في خاطره الله ياخذ روحك مع شهقاتك..
وطلع من بيتهم وهو مطين السالفه بدل مايكحلها عماهااا وراح عند ابوه وعلمه بالسالفه خذه ابوه غصب ووداه عند اخوه وخلاه يحب على راسه ويستسمح منه وسامحه عمه وقال له ابوه :روح استسمح من بنت عمك






فيصل ناظر ابوه وعمه وقال بعزة نفس : اعذرني ياابوي انت وعمي بس البندري مانيب معتذر منهااا مب فيصل اللي يستسمح انا طلبت السمووحه من عمي لاني غلطت في بيته بس بنته اعذروني انا..
قاطعته البندري بغرور وعزة نفس : ومب البندري اللي تنتظر من واحد دون المستوى انه يعتذر منها لان اعتذارك لاراح ولاجااا لانه مايعني لي شي ..

[همسة دلــع]

حاولت وحاولت ولا نفعت اي محاوله اني اقعد في البيت ولا اروح لحفلته وصل الدوحه من ثلاث ايام وماابي اشوف رقعة وجهه بس يلاا كل شي عشان غلا يهوون ...
قررت اروح لها بدري من الصبح الساعه تسع عشان نتجهز على مهلنا ونسولف ونحش خبركم سوالف البنات لما وصلت بيتهم كان هادئ فلا اصوات امي وومرت عمي (فطيم) والخدامات شيلي هذا وحطي هذا سوي زين رتبي عدل ...
رحت بسرعه لغرفة غلااااااا مالقيتها الظاهر انهاا عند اخيهااا اكيييد وصل حبيب القلب ماالومها لو اخي اللي جاي كان مافارقته دقيقه فتحت كبتهاا وطلعت لي ثوب عندها احبه كان اخر قطعه في المحل واتفقنا انا وغلا انه يكون مشارك بينا لونه خريفي ناعم بدون اكمام حرير ينزل على جسم على مهل حلووو وناااعم وفتحت صدره سبعه النوع اللي احبه الثوب اقل من بسيط وناعم حييل لبسته كان قصير تحت ركبتي وفتحت شعري وحطيت ورده بيضاء غلاا تعشق الورد لدرجة ان في ركن من غرفتهاا في ورد ملون (يعني حركات رومانسيه) خخخخخخخ






ناظرت المنظره كان شعري لنص فخذي خليته يطول الثلاث السنين الاخيره نفسي اصبغه اسود بدال لونه الكستنائي بس امي رافضه ...
شغلت المسجل لقيت الاخت حاطه مساري اغنيته Be_Easy مسكينه هايمنه فيه هو وسيم وحلو وعيونه خضر بس اقرع كخخخخخخخ..كان فيني رقصه رحت ارقص مثل الاجانب في الافلام ومن المواقع اللي تعلمت منها الرقص الغربي والفلامنقوو والصلصااا يعني سويت سطلة رقص من كل نوع شوي .
..[عزيزي الزائر يتوجب عليك التسجيل للمشاهدة الرابطللتسجيل اضغط هنا]


كانت كلمات الاغنيه حلوه ولحن يهببببببببببل.. واندمجت في الرقص تخيلت اني ارقص مع احد ابطال القصص اللي اقراها قمت ارفع يدي على مهل وانزلهااا والف شعري علي واحرك خصري يعني اندمجت بكل من الكلمه من معنى حسيت وانا ارقص كأني جنيفير لوبيز في عصرهاا اي جينفير يااشيخ الا شفتوا فرقة The Pussycat Dolls ولا بريتني سبيرز وهم يرقصوون انا كنت احسن منهم << ايه هين


.. سمعت صوت كسر التفت بسرعه عند الباب وانصدمت وقفت مترووعه حدي حسيت اني تجمدت وشفت قبري يحفروونه ..
&&&&&&&&&&&&
لبندري : ووجع يوجع عدوك يادووبه روعتيني قلت حدى اخوانك دخل
غلااا: ياااي فديت اللي صاروا رومانسيين بسم الله عليش من روعه
جات غلاا تتلوى علي صديت عنها وقلت : اووف وش ذي الريحه الله يغربل عدوك
الغلااااباحراج واحسااس بالفشيله: مالت عليش يااا نيكوول كيدمان انا ريحيتي خايسه متعطره من عطر اخي فيصل فديت روحه
<< يسمووني نيكول كيدمان العايله لاني اطول البناات
وانا اقوول وش ذا الريح الخايس اتاريه عطر الغثه فصوول
البندري: انا اقوول الريح الخايس مايجي الا من ال ....
وقاطعتني غلا والدمووع في عينهاا انصدمت منهاا : بندري حدك الا فصيل هذا روحي اخوي عزوتي بليييز كفايه
تلويت عليها وقلت لهاا : الا دموعك يالغلااا وعشان خاطرك بتحمد له بالسلامه بدال ماادعي عليه هاا وش رايك










وعدت السالفه على خير ماادري وش فيهاا غلاا كل ماجبنا طاري فيصل ولا سبيته تدمع عينهاا وهذا عزوتي وهذا عزوتي كأن مالها اخ غيره اكييد السالفه فيها أن شكلي ببدأ اشغل قرون الاستشعار عندي واعرف وش السالفه ولا بشك فيهم بعدين .........
دخل وقت العصر صلينااه وبديناا باول اللمساات للحفله اول شي لميناا الكشه وبدينا نحط المكيااج انا حطيت لون وردي ناعم مع رسمه كحل على طوول عيني كبرتها زياده وقلووس وردي نااعم حيييل بصراحه انا مااعرف في المكيااج اعرف شوي بس اما غلااا بدعت حطت مكيااج فيروزي لون غريب ويهبل على عيونها السود خلصنا ولبست انا فستان نااعم حييل حرير ستان لونه وردي بدون اكمام وكان نازل على جسمي بطريقه رووعه مثل فستان نيكول كيدمان في اعلان العطر بس انا وردي وظهري مستوور خخخخخ وطويل له ذيل غلاا كان فستاانهااا روعه قمة الابداع فيروزي مع اسود جناان بكم واحد طويل وفتحت الصدر مايله وملفووف على جسمها بطريقه تحس كأنها اعصاار هادئ اما شعرنا انا خليته مثل ماهو نازل على ظهري اما غلاا سوت فيه شويت تموج عطاها لوك اوروبي شكلها بتنخطب اليووم .....
نزلنا بعد ماخلصنا عالساعه ست المغرب وخذت معي عباتي وشيلتي تحت للظروف ماحد يدري وش راح يصير


















نزلت تحت وشفت نظراتهم بتاكلني اكل كانهم يقولون لي انتي دخيله حسيت فيها كذا وحست فيني غلااا وخذتني داخل وقالت لي : ماعليك منهم كلها غيره ... تنفست وقلت في خاطري ماعلي منهم بروح استانس
طوال الحفله والنغزاات والكلام اللي على جنب والهمسات والنظرات ماوقفت نكدوا علي الله ينكد عليهم مالت
بس بعد مابينت لحد اني مضايقه ورحت ارقص على اغنيتي المفضله بلغ حبيبك وقله باخذك منه رقصت معي غلااا بس لما سمعت وحده تنغز على امي قلت لا بس كفايه مايسوى علينا وقفت رقص ورحت ارد عليهاا واتوطى في بطنهاا بالمره سحبتني غلا وخذتني برى في الحوش( الحديقه الخارجيه)
وقالت لي : احنا ماقلنا طنش تعش تنتعش وش غير كلامنا
قلت لها من بين دموعي وعبرتي اللي خانقتني : ياغلااا انا مااتمنى لعدوي يسمع اللي اسمعه منهم ولا يشووف نظراتهم هذا كله عشان امي مصريه خير ياطير يعني مهيب مسلمه ولا مهيب عربيه ولا وش سالفتهم بالضبط قسم بالله لو ان امي ماتحلفني اني ماارد عليهم لايعرفوون صدق الشواهه وشي صدق وصحت غصب عني وحسيت اني بمووت من القهر وقعدت اصارخ تلوت علي غلاا وقالت : اشش هشش اسكتي قصري صوتك لايطلع حد الشبااب ويلعن مجدفنا الحين حطيت يدي على فمي وقعدت اصيح واكتم صرخااتي كنت منقهره من جد حسيت اني مطعوونه من اهلي












غلا وهي تحاول تهديني : يابندر يااحبيتي الموضوع هذا مو جديد عليش المفروض تكونين خلاص اطنشين لهم
قاطعتها بصووت كله بكى: طيب فهميني ياغلا احنى وش سوينا لهم قول لي شي واحد احنى ضرينااهم فيه قولي هااا قولي ماعندهم شي واحد ضدنا ومع كذا يكرهونا ...
تلوت علي غلاا وسكتت وانا هديت شوي وعدلت مكياجي ورجعت للحفله ولا كأن شي صاار
شوي الايقولون فيصل بيدخل يسلم على نسوان اعمامه وجدته .. رحت بسرعه ولبست عباتي وشيلتي وغطيت وجهي عدل .. شوي الا داخل ذااك الرجال ماشاءالله طووويل تقريبا 181 سم وعريض جسمه رياضي نادرا ماتلاقوون واحد خليجي جسمه رياضي يادب منتفخ ولا هيكل عظمي ماعلينا ماشاءالله عيونه سوود وكباروخشمه سلة سيف ذكرني بسيف صلاح الدين الي في الفلم بس فيه انعواااج بسيط شكله كان يسربت في امريكاا وشفايفه مليانه يعني الصراحه تنقال ماعرفت ان هذا فصوول الغثه وش سوت فيه اوروبا خلته وسييم حيييل بس خليت نفسي ولا كأني مهتمه ........... سلم على العجايز ونسوان وكل وحده تنادي بنتها تسلم عليه بالعربي تعال اخطب بنتي مو كلهم للامانه بعضهم بعض البنات راحوا عنده طيران شوي ويتلووون عليه وبعضهم راحين غصب النوع الثاني بيجي يووم واعرف ليه غصب خخخخخ فضوول لا اكثر شوي الا اسمع واحد يقوول :Oh, my god all this girl just want to marri nothing ells what they dont have abrain in there haid......
هو خلص جملته وانا اللساني اللي يبيله فرمله قال :Dont be so sure that all the girl want to marri you and we have abraen just the girl that want you dont havit and by the way welcome home ..........
طوال كلامي وهو يناظرني حسيت كانه عرفني بس مااتوقع شكلي تغير 180 درجه كنت دبه والحاله حاله وقصيره بس الحين كل شي تغير العكس والكل وده يعرف هو وش قال وانا وش رديت عليه طبعا بعض البنات عرفوا وكانوا يناظرونه بحقد عاشوا بنات عمي وبعضهم يناظرونه بهبل واعجااب نزلوا عينكم جعلها الكسر وعطاني نظره اخيره وقال : يالله استأذن فمان الله ..










اووف مابغى يطلع وغلاا ناظرتني بعتاب عطيتها نظره وسويت لها حركه بمعنى هو اللي بدأ ليه يسب ويعم .. وخلصت الحفله على خيير واستأذنت من امي ان انام اليوم عند غلااا كنت ابي اكمل السهره عندهاا بفلم شروخان الجديد ينقاال انه رومنسي وحلوووو وانه طالع متزوج وبيحب وحده متزوجه والسالفه سالفه لازم ينشااف ونشووف بنقدر نحل الازمه معه ولا بس بتخلص دموعنا على الفاضي ووافقت بالغصب بعد توسلات ورجاوي وتعهدات ونذوور حسيت اني اطلب قرض من بنك والله

البندري : يمه فديتك بليييز لاترديني طلبي هذي اخر مره اطلب منك طلب يكوون اخر طلب والجواب لأ
غلاا: طيب ليه يااعمه عطيني سبب واحد
غلاا قالت كذا تقولون امي مبشره بمليوون ولا عرساان لكل بناتهااا كخخخخخ: اولا اسفه ياحبيبتي يااغلا علي بقووله بس انتي ادرى باخوانك واولهم سعد الصراحه اخاف على بنتي ( شفت نظره حزن في وجهه غلاا واحراج ودعيت في قلبي على سعد انه هو سبب حزنهاا ) وكملت امي : غير اخيش فيصل اللي توه واصل من اسبووع يعني يبي يرتااح وانا عارفه بنتي لا قعدت في مكاان لازم تسوي ضجه ورجه واخيرا ماسئذنت ابوهاااا
فيصل قاطعهاااا: يااعمه انا بدخل غرفتي ولا ني بطالع عندي شوية اشغال اراجعهاا يعني بنشغل طواال الليل واذا على سعد فانا سمعت من الوالده انه صار له شهر لاحس ولا خبر....
بسم الله من وين طلع ذاااا شكله كان يتصوخ ( يسترق السمع) قليل الادب مايدري ان ذاا عييب غلاا ناظرتني بفرح وهي تسمع امي تقوول: بستئذن من ابو خالد ... فصوول قال كلمتينه وراح الصراحه تنقاال صدق ان فصوول غثه بس رجال محترم .....
وجات امي بالخبر ان ابوي وافق بشرط اني ارجع بكره الظهر ووافقت هي بعد ...بس ياليتهااا ماوافقت

[همسة دلــع]

ودي ترجمة الكلام الانقليزي


Oh, my god all this girl just want to marri nothing ells what they dont have abrain in there haid.....


فيصل: ياربي كل ذولي البنات يبون بس يتزوجون بس مافي شي ثاني يبونه وش ماعندهم مخ في عقلهم


البندري ردت عليه ::Dont be so sure that all the girl want to marri you and we have abraen just the girl that want you dont havit and by the way welcome home ..........


قالت :لاتكون واثق ان كل البنات يبون ياخذونك واحنا عندنا عقل بس اللي تبي تاخذك هي اللي ماعندها عقل وبالمناسبه اهلا وسهلا