عرس عرابجه ههههه

[نـــور الـدنـيــا]

السلام عليكم


ما فيه احد منكم سمع او شاف عـررس عرابجه....... عاد هذولا موب صاحين ابد لا المعرس ولا العروسه
المواصفات :
الاسم / دحيم الدلخ
العمر / منولد في سنة الطفره
الشكل / قزم ودب واقرع و وجهه كله خدود ومافيه عيون باختصار يحوم الكبد خخخ
الولد دحيم داشر 24 سااعه مشاكل وتفحيط وخرابيط
المهم ابوه قرر انه يزوجه يمكن يعقل الولد !!!!
ويقوم يخطب له ابوه بنت عمه حصه !!! عاد حصه خبله مثله
المهم يوم جاء العرس ولا دحيم طالع مع اخوياه لثمامه يطعسون وابوه يدق عليه
الاب: الووو دحيم وينك؟
دحيم : هلا والله طالع مع الشباب لثمامه
الاب: جعل تطلع روحك بلا تعال اليوم عرسك !!
دحيم : طيب العرس في الليل يمديني ارجع المغرب
الاب: اقول امش جعلي امشي العصى على ظهرك
دحيم : طيب خلاص جاي.... ويقفل التلفون
المهم ويجي دحيم ويلبسونه الخبل ناوي يروح بقميص نوم ههههههههههه
ويمسكونه اخوانه ويلبسونه ويودونه للقصر
>>>>>>> دحيم الا الحين ما يدري وش السالفه يبي يخلص بسرعه
عشان يلحق على العيال في الاستراحه يلعب بلوت خخخخخخخخ
ويدخلون القصر ويجلسونه في المنصه وهو يقول
ابي اروح اجلس عند القهوجيه ابي اتكي معهم واشرب شاهي خخخخخخخ
ويلقطه اخوه ويجلسه على الكرسي ويجونه الناس يسلمون
المعازيم : مبرووك منك المال ومنها العيال
دحيم : هلا ايه طيب يكون خير والله ما عندي ولا فلس خخخخخخخخخ
المهم ويدخلونه على الحريم 00 يوم دخل 00 وهو الي يفتح كشرته ( ابتسامه عريضه)
ويناظر في ذا البنيات يوم طقو الطقاقات الا وهو يطمر ويرقص سامري
ويسحبه ابوه ويقول اركد لا تفشلنا!!!! ويجلسه على الكرسي
وتجي وحده ترقص عنده وهو الي يضحك عليها ويقول اوووووه ما تعرفين ترقصين يا الدبه
وانواع الاستهبال المشكله الي ترقص امه مسكينه تبي تفرح به ما درت انه ما يستاهل
المهم ويقومون البنيات يرقصون عنده وهو يناظر يقول عاشوا والله عاشوا
الا وابوه يصفقه على جبهته
دحيم :طيب خلاص ابنطم
يوم خلصوا وهو ياخذ العروس ويركبون السياره
المهم ما درا الا تقوم حصيصه وتقول ما بغينا نطلع اقول ما عندك شريط كسراات ( شعبي) بشير شنان يعني؟
ملينا من ذا الطقاقات ازعجوني الا وهو ينبسط على حرمته خبله مثله خخخخخخخ
وتقول له 00 حصيصه : دحيم ابسالك سؤال؟ دحيم: اسالي !!!!!
حصيصه : انت الحين تعرف تفحط ؟؟؟
دحيم : اكيد انا احسن واحد يفحط ( مسوي فنان عندها وهو ما عنده ما عند جدتي)
حصيصه : والله ورني ابي اشوفك تفحط 00 دحيم ( توهق)
دحيم : خليها بعدين موب اليوم ( يبي يصرف)
حصيصه : افا شكلك ما تعرف هههههههههههاي
دحيم : اوريك من الي ما يعرف 00
وهو الي يلف هذيك الفه وطراااااخ في الماصوره على طول
والحين حصيصه ودحيم في الشميسي الدور الاول غرفه 123


تحياااااااتي

[MrIcLe girl]

هههههههههههههههههههههههههههههههههههههههههههههههههه هههههههههههههههههههههههههههه

والله قصة ولا احلى

اتمنى من كل قلبي انو تكووون كل مواضيعك زي كده

شكرااااا
شااااو

خخخخخخخخخخخخخخخخخخخخ

خطيرررره

تشكراااااتي لك

[نـــور الـدنـيــا]

دوووم الضحكه ان شاء الله

وان شاء الله كل مواضيعي تعجبكم

اخجلتم تواضعي

<<< لا يكثر

[نـــور الـدنـيــا]

سبرينق دوووم الضحكه

يسلموو ع المرور

[شكشوكه بالبيض ــأــأــأ]

هههههههههههههههههههههههههههههههههههههههههه ما في احسن من مواضيعكم والله لايعلى عليه القصه جميله ونتمنى المزيد من القصص............
>تيب<>تيب<