تذكرينه

[محبوبة ستار اكاديمي]

تــــذكـــرينـه ؟

يا المدينه


تذكريه يا شوارعها الحزينة

~* تــــذكـــرينـه ؟ *~


~* كان فارس؟ *~

خطوته كانت رزينة

ما عرف للقصر حارس

يوم شالك بين أيدينه

واختفابك

ما يفرق بين صعبه.. وبين لينه

كان فارس..

يكسر بدرعه ظروفك

يصد بحروفه حروفك

كل همه كان شوفك

ولا سرحتي

تسرحينه!

يا المواني..

يا مراسيها الحزينة

تــذكــرينه ؟

كان في بحرك يسافر

مايبي يوصل مدينه

قطّع اشراع السفينة

مايبي يوصل لآخر

ويوم كان الجو ماطر

شاف في موته ..سراحه

كان يغرق مبتسم


يحمد الله يسأله


ما يعلمه السباحة

بس كان الموج شاطر

ورجّعه لك يا المواني

بلا شراع

ولا سفينة

يا القوافي ..

يا معانيها الحزينة


تــذكــرينه ؟


كان شــاعــر

لو سكت حرفه يهينه

يغتصب جرحه يمينه

كان حــالـم

شاف واحة

حس بعد الهم راحة

كل همّه تظللينه

ويقطف ا من العود تينه

ويوم شاف ألما تعثّر

كان وده يشربك

ما درى انك تشربينه

صار في كل القصايد

هو القصيدة

صار شعره للبعيدة.. يكتبه

وقام من حلمه

عرف انه غفى .. في مكتبه

وفي يدينك دفتره

بكل سهولة تشققينه!


يا المدينه..

يا شوارعها الحزينة


تــــذكـــرينـه ؟