من امثالنا الفلسطينيه

[سمر يوسف رايف]

اقدم لكم مجموعه من امثالنا الشعبيه الفلسطينية اتمنا ان تعجبكم



أكثر من الهم ع القلب

إن كبر إبنك خاويه

إجا مين يعرفك يا بلوط

إجو ليحدوا الخيل الفار مد رجله

إذا انت أمير و أنا أميرمين بيسوق الحمير

إضحك بعبك

إطعم التم تستحي العين

أكل الهدية وكسر الزبدية

أهل الميت صبروا والمعزيات كفروا

أوعد اليهودي بالكفن بيموت

آخر العنقود سكر معقود

آخر الزمر طوط

آخر الدوا الكي

إبنه على كتفه و بيفتش عليه

إبنك على ما ربيتيه و جوزك على ما عودتيه


بتقول له ثور بقول احلبوه

بدل الرز و الباذنجان إكسي حالك يا عريان

بده عرس يرقص فيه

بزمان الخير ما غنينا يا ليل

بطيختين بإيد مابينحملوش

بعد ما شاب ودوه ع الكتاب

البيت ضيق والحمار رفاص

بيتعلم البيطرة بحمير النوَر

بيحرق حارة ليولع سيجارة

بيرقص بلا دف

بيركض بيركض والعشا خبيزة

بيقتل القتيل وبيمشي بجنازته


بيموت الزمار و اصبعه بيلعب

تاجرنا بالكفان بطلت الناس تموت

تسمع صوته و تقول نيالك يا أطرش

التكرار بيعلم الحمار

جبنا الأقرع ليونسنا كشف طقيته و خوفنا

حاميها حراميها

حايص متل جاجة بدها تبيض

حط راسك بين الروس و قول يا قطاع الروس

خليها بالقلب تجرح و لا بين الناس تفضح

الدار دار أبونا و اجوا الغرب يطحونا

دمه تقيل متل دم البق

راح العيد وفرحاته واجا المعلم وقتلاته

رجعت حليمة لعادتها القديمة

الرقاصة الغشيمه بتحجج بقشة الحصيرة

رزق الهبل ع المجانين

ركوب و ركبتك و كمان تهز رجليك

زاد الطين بلة

زبال و شاكل له ورده

زرعنا اللوز طلع بقدونس

الزمار بيعرف دار الطبال

زمن غريب بيخلي القطة تشخر للديب

زوّج الفقيرة للفقير بيكتروا الشحّاتين

( زي أباريق الجامع( كل واحد شكل

زي الفراشة بتحوم حول السراج تاتنحرق

ساعه لقلبك و ساعه لربك

ساير العيار لباب الدار

شحاد و مشارط

شم ولاتذوق

شَمّام هوا وقطّاف ورد

ليش تعد الشهر اللي ما إلكش معاش فيه أيامه


شو فهم الحمير بأكل الزنجبيل

شو دخّلك بيت عدوك ؟ قال حبيب قلبي جواته

صارت عظامه مكاحل و مصارينه حبال

الصباح رباح

صباحه بيقطع الرزق

ضربني و بكى و سبقني و إشتكى


الطمع ضر ما نفع

طنجرة و لقت غطاها

عاشر المصلي بتصلي و عاشر المغني بتغني

العز للرز و البرغل شنق حاله

عصفور باليد و لا عشرة ع الشجرة

عقله براسه بيعرف خلاصه

علمناه الشحادة سبقنا ع البواب

على بخت الحزينه سكرت المدينة

على عينك يا تاجر

عليه مناخير زي كوز الصبر

عمر الشقي بقي
_________________

[الخلود]

إبنك على ما ربيتيه و جوزك على ما عودتيه
مشكورة على مجموعه الامثال الفلسطنيه ويعطيك اااااااالف عافيه
الخلود

[Mazyon Qatar]

يعطيك العافيه سمرمر ^_^

[العنكبوت الفلسطيني]

((( سمر )))

برافو عليكي أحلى سمر

فلسطينيه ميه الميه

.
.
أخوكم
العنكبوت الفلسطيني

[Ćяαźγ Gίяl]

ضربني و بكى و سبقني و إشتكى

احبه هالمثل.. يسلموو سموور حبيببتي على الموضوع

احب انه هالامثال..

[Donald Duck]

مشكورة يا بنت فلسطين ...

أمثالنا أحلى أمثال ...