السلام عليكم
الى كل فتاة ناشبة في حلق أهلها وماتصرفت
اليك عصارة راسي وبنات أفكاري أضعها بين يديكى
كيف تصطادين تمساح دون اللجوء للأساليب المعهودة والسقيمة (المغازل ،الترقيم،التميلح اللي ماله سنع،الترزز بالاسواق .الخ )
اسمعى افكارى وابعدى عن هالسوالف وماراح تندمين
للاجابة على هذا السؤال اليك مايلي :
أهم نقطة : فتشي على العجوز اللي حاطة عينج على ولدها وبعدها
ابتدى و نفذي الخطه هذى :-
1-خليج مع أمج لاتروحين مع البنات وتنهبلين ماورى الهبال سنع
اصبري عنهن كم شهر لين تتم العملية
2-امشي وانتي حاطة راسك بين كتوفك لاترفعينه أبدا
علشان يقولون خووش بنت مؤدبة ومو متكبرة
3 كلمة خالة خليها على لسانك وخاصة لأم التمساح علشان
تحس بنوع من التميز عن بقية العجز .لامانع تنادين وحدة ثانية
بخالة علشان إذا مانجحت الخطه
<<<<<<< انواع الخطط
بتكون اهى الاحتياط والبديل ههههههههههاي
4-إذا بدت أمج تتكلم انغزيها بكوعج علشان تدخلك بالموضوع
حتى لو مالك داعي تطبيقا للمثل (كثر الطق يكسر الحديد) أدري
إن المثل ماله دخل بس مالقيت غيره
5-اخوانج الصغار لاحقيهم وطامري وراهم وين مايروحون حتى لو مو
عادتج بس تصرفي معهم كأنج أمهم ...لأن هذا يوحي بما لايدعو مجال
للشك عند العجوز بأنج حريصة على ذريتج (جعلهم عقبج )
6-مهما أكلت أمج من أكلة زينة خليها تقول :نفس الاكله اللي تسويها بنتي (حتى لو الاكل من المطعم الصيني أو المكسيكي )
7-دايم ارتزي كأنج بالعة قصبة علشان ماينقص من طولج
ولا سنتيمتر (للقصيرات)
8-اذا تكلموا الحريم عن أي عرس اكتمي نفسج لين تحمر خدودك علشان يقولون البنت تستحي ومالنا حق تكلمنا عندها
(بس لاتكتمين نفسج مرة أخاف تروحين فيها وأصير قتلت
نفس بغير حق )
9-مهما كان موضوع الحوار حماسي لاتبدين رأيج وخليج مثل الطرما لأن اللقافة تجيب أجل الخطة
10-شعرج افرديه لاتخلينه طاير وشوشة مهما كانت الموضة لأن العجز
مايدوّرون الا اللي شعورهن ناعمة والا ياعمري اللي شوشهن
طايره ماحد يلتفت يمهن ......
11-إذا أدلت العجوز (أم المتوهق) بأي رأي سواء كان سياسي أو وطني أو اقتصادي وافقي عليه حتى لو هو ماسخ وماله داعي
مثلا تقول العجوز:أمس بوش متقهوي عندنا
قولي لها : وليه ماعلمتينا ياخاله نجي نعاونكم ...!!
12-في العروس لاترقصين اربطي واقضبي ارضك واعتبري الرقص عيب وشق جيب ...
13-اذا جا طاري السوق وطبعا هو لازم يجي الطاري لأنه ملح الجلسة
عند الحريم خلي أمج (الله يعظم أجر أميمتك)تقول بناتي مايطلعون
للسوق أغراضهم انا أجيبها
(وانتي شكلج مقطعه السوق تقطيع )
احتمال وارد الحدوث
ممكن تكون العجوز منشنة على بنت غيرج لكن بعد النقاط السابق ذكرها
بتصرف نظر عنج وعنها < (أتغشمر لاتصدقين )
الحين بتكون العجوز وقعت باالفخ
نرووووووووح للتمساح الحين :
اهجدي في بيت أهلج ولاعاد تطلعين واذا جاء المعرس بيشوفك
خلي أبوج يقول له :والله ودي تشوف البنت
بدون ماتدري علشان تأخذ راحتك وانا عمك
وبعدين تشوفها على الطبيعة علشان ماتقول بعدين غشيتوني
وقبل يجي اليوم اللي بيشوفج فيه بحوالي اسبوع أو أكثر
(على حسب شين وجهج ) ادهري من مشغل لمشغل
(صبغه ، فرد، تنظيف بشره،الخ) لاتخلين
على روحج قاصر ..........
ولما يجي المعرس خلي أخوج يوقف بجنبه عند الشباك علشان مايطول
بالتبحلق ويبان المستخبي وذلك تطبيق لنظرية اللمحة ذبحة
بعدها عاد شلوون بيشوفج هذي عليج مو كل شيء بعلمج
اياه دبري عمرج
بس خلي أبوج في نهاية المشاهدة يقول:العذر والسموحه وأنا عمك
ترا (البنت حوسة (مع انك طاقة كل زينك )
في هاللحظة الولد بينط على راس أبوك وبيمطخه لين يشفط مخه
وبيقول متى العرس ياعمى (الف رحمه ونور عليك يالمعرس رحت فيها)
والف مبرووووووك عليج
<<<<<< كيدهن عظيم
>>>>تحذير <<<<
ابعدي عن أمهات العيال اللي متعلمات راعيات الشنطة مثل لون الجزمة
لأن هذولي يبيلهم خطط بعيدة المدى
صعبه عليكم تنفذونها بروحكم ههههههههاي
تحيااااااااااتي
.jpg)
العرض العادي
