مراحل تكووين التمساح خخخخ

نـــور الـدنـيــا · #1 01-09-2006, 08:34 PM

السلام عليكم

اولاً مرحلة ماقبل التكوين : إذا كانت الأم متوحمه على لحم حاشي
أو قاعده تسف تراب فــ 90% يكون الجنين تمساااااااح

ثانياً مرحلة التفريخ : تلقى التمساااااح وسط البيضه إيرافس وإيدافس
وإيشاقط وإيماقط وامه المسكينه رقده عليه(( حشى دجاجه ماهي ام))
تتحمل انواع الاذيه ( إسم ربي عليه تمساح صغيرون بس موذي)

ثالثاً مرحلة التفقيص : طبعاً اول مايطلع التمسااح من البيضه
دايركتر إيعض السستر اللي في كشك الولاده ليه ؟؟؟
مدري بس يمكن علشااااان قلنا موذي قبل شوي .

رابعاً مرحلة الطفوله : عاد هذي يبيلها جلسه :: جيب المركى ياولد::
في بداية هذه المرحلة تلقى كل التماسيح بالشارع بدون إنعال
وبدون شرابات (( مايلبسون إنعال تبونهم يلبسون إدسوس ؟؟؟؟خخخخخخخخخ))
وكل واحد منهم بيده حصااااه ومغير حذف بهالعالم وموتهم بس وإيحذفون السيارات
واغلب التماسيح ترى يطلعون الشاااارع بدون فنايل ( زين ان عليهم بناطيل )
مدري وش السر تلقى البنطلون همل والفنيله جديده ماقد لبسها إلا بالعيد

واغلب التماسيح في غضون هذه الفتره ( شفتوني يومن قلت غضون يلا أتحدى واحد يجيب زيها )
نرجع لغضون هذه الفتره يملكون لون البشره البرونزي
أو المفحم ولحد ينشدني ليه ؟؟؟ بلى والله من الحومه فالقوايل .(قد هي احرقتهم الشمس)...

والا التمساح اللي معه نبيطه وشطرطون وفي هالفتره يبدا
عندهم حب التملك للاشياء الرخيصه ياما سرق حمام وياما سرق إنعال
أو طبَّح على بيت وسرق سيكل كله واحد .

وأشكال التماسيح تشجع الإتحاد و النصر في
أواخر هذه الفتره وعلى طاري النصر """ للحين يلبسون فنايل صفر عليها الجزيره """

خامساً مرحلة البلوغ : فتره حساسه من هنا تبدأ الفضايح
عاد تلقى التمساح المراهق يحووم فالحواير وده يصير رجال
ويروح يشتري شريط لعيسى الاحسائي ويفحط بالسياره  إيخاف إيفحط على الزفلت .

وعلى فكره كل تمساح مراهق في أواخر هذه المرحله
(( شفتوني يومن قلت اواخر خخخخخ الله إيخليني لي ))
يحب إيقلد أبوه في كل شيءولا تستغربون لو قفل عليه الحمام
و سرق موس الحلاقه حق أبوه وقام يحلق دقنه يقول يمكن إنها تنبت
بسرعه خخخخخخخخخخخ (( الاخ مستعجل على السكسوكه))
وعلى كثر ماينضرب ولا يفكر ايتوب

سادساً مرحلة النضج : تلقى التمساح بدأ ينتبه لنفسه تلقينه يقول
"" ياولد وش هالخشه اللي كنها موتر مغرز في طعس""  كني سمعته عاد

يبدا التمساح إيغير من شكله الخارجي يبدأ يلبس ثوب نظيف
ومكوي وأنعال جديده وسبحه وحركات
ويروح يشتري عطر من ابو عشره ( ياربي لك الحمد)
ويشتري شريط لراشد الماجد واهم شيء نظاره شمسيه تخفي أغلب ملامح الوجه .

وأكيد في درج السياره ولاعه وبكت زقاير " ايخاف ايحطها في ثوبه وتلقاها أمه "
وبها الفتره يبدا يشجع فريق برشلونه يعنني إمتابع دوري اوروبا (( سقى الله أيام اول ))

في نهاية مرحلة النضج يبدأ التمساحو اول مايبدا شاربه إيخط يزَّين العلاقه
مع السحالي فالاسواق والحدايق ويبدا يحذف بلاوراق والكروت
عليها اسم ابو وليد او ابو حسام

واللي اسمه عوض ايقول أنا هيثم واللي اسمه ظيف الله يقول أنا سامي
واللي اسمه مشعان إيقول أناسلطان خخخخخخخخخخخ (على نفس الوزن).
(( كني مخربتها معهم ))
المشكله ماهي فالاسمـــاء المشكله فاضحتهم السيارات ........ كلــــــــــــــــــــــــهم دداســــــــــــــــــــــــــــن .خخخخخخ

بعدين نصيحة اللي ماعنده سيارة كشخة لايروح للسوق إيغازل ؟!!! ترا والله مايليق .

سابعاً فترة الرجوله :
الله محيي الرجال عاد هنا مانقدر نقول شيء<<<< كل الرجال خياله ايه ايه ايه ورى ورى ورى .

تحياااااااااتي