مــمـنوع الدخول اجتماع مغلق مع ضميري

[Mr...Waseem]

>ضمير وسيم ... وسيم .. وسيم وينك ؟؟ صرعتني بدك تسوي اجتماعات .. قررت اجبر بخاطرك وسوي

معك اجتماع

<وسيم ... بس ياضميري لازم انا اللي قرر ايمت اجتمع معك ...

>ضمير وسيم ... يعني ما بدك ؟؟ خلص بطلت ...

<وسيم ... لا تعى عم امزح ... بس استنى شوي لاتاكد انه روح العاشق مو متخبي بشي محل ...

>ضمير وسيم ... طيب .. عن شو بدك تحكي ؟؟؟

<وسيم ... والله يا ضميري في موقف شفته من يومين حازز بقلبي ... عندك استعداد تسمع ؟؟

>ضمير وسيم ... احكي لشوف ..

<وسيم ... هاد كنت طالع من المقهى .. وانا ماشي شفت ولد زغيررر نايم ع باب بناية !! بعدها

بشوي شفت ولد كان زغيرر شايل كيس انا ما بقدر بشيله ... سويت حالي مو شايفه وكملت مشي ...

وقفت عند بياع بليلة لاشتري قمت شفت ولد عمرهـ ما بعدي الـ8 سنين جاي .. صدئني وشه مو مبين

من كتر الوسخ ؟؟ طيب يا ضميري هدول ما لازم يكونوا قاعدين بالبيت عم يتفرجوا ع سبيبي توون

او عم يلعبوا مع رفقاتهن ؟؟

>ضمير وسيم ... خليهن يطلعوا رجال ...

<وسيم ... طيب من وين بدهن يطلعوا رجال اذا طول اليوم عم يناهنوا ؟؟ مرة كنت واقف عند بياع فلافل

قام البياع ضرب الولد عندهـ كف لسبب تااااااااافه !!!

>ضمير وسيم ... طيب شو يسووا .. بتلاقي ابوهن ميت اضطروا يشتغلوا ليصرفوا ع اهلهن ..

<وسيم ... طيب وين الحكومة ليش ما تعطي عالعيلات مصاري ويحطوا هالولاد بالمدارس ؟؟

>ضمير وسيم ... الحكومة شو بدها تلحق لتلحق ؟؟

<وسيم ... يعطوهن شوي من مصاري هالاسلحة اللي ما رح تفيدنا شي ...

>ضمير وسيم ... كيف ما رح تفيدنا شي ؟؟ لو صار حرب ؟؟

<وسيم ... يا ضميري هالاسلحة احنا مشترينها من اوربا ... واوربا ما رح تعطينا سلاح ما عندها ااقوى

منه او ما عندها مضاد لاله ؟؟ خلينا نرجع لموضوعنا بلا ما نروح ع بيت خالتنا ...

>ضمير وسيم ... طيب وسيم شو الحل ؟؟ شو بايدنا نسوي ؟؟

<وسيم ... لو كل واحد منا رفض اهانة الاطفال ما رح يسترجي حدن يهين طفل ااقلها قدام الناس ..

>ضمير وسيم ... طيب وليش الناس ما بسووا هيك ؟؟

<وسيم ... لانه كل واحد عم يقول انا شو دخلني ؟؟ يعني تربية بالبيوت غلط ؟؟

>ضمير وسيم ... روح من هون يا ... تضرب وجعتلي راسي ... بطلت سوي معك اجتماعات .. خليني روح

نام احسن لالي ...

<وسيم ... ضميري وين رحت ؟؟؟ لسا عندي حكي كتيرررر ...

>ضمير وسيم ... خخخخخخخخخخخخخخخخخخخخخخخخخخخخخخخ

وسلامتكو

[seren]

فعلا ..........وسييم

هذه القضية مؤلمة

بس ويين الضمير مثل ما تقول نايم فى 7 نومات

ليس ضميرك ولا ضميرى لا ...ضمير المسئولين عن البلاد

بس فى سؤال ...يمكن يرد على مين السبب..

" هل كان من الممكن أن يحدث هذا فى عصر الرسول صلى الله عليه وسلم

أو فى قبضة الصديق أوالخطاب ....؟ "

لك أرق تحيااتى

[الخلود]

هذه مشكله عالميه وليست محليه اواقليميه
تعاني منها جميع شعوب الارض (الاطفال)او كما يحلو
لبعض الناس تسميتهم باولاد الشوارع
اصبح في عالم غريب عجيب
تذكرني ياوسيم انت وضميرك بقضيه اصبحت منتشرة
والوسيله الجيده لنشرها قضيه (الشحاذة )
فاصبحوا يستخدمون الاطفال لهذا الغرض الدنيء
وهذا الجريمه ابشع واقوى من القضيه التى تتحدث عنه ياوسيم
والله لست مع الحكومه ولكن اتكلم من جهتى فانا ارى بان حكومه المملكه
العربيه السعوديه لم تقصرفاعطت ااعانات شهريه ومدارس حكوميه
مجانآ وجمعيات خيريه على مستوى جيد
وهذا افضل بكثر من حال بعض الدول
اشكرك اخوي وسيم على طرح هذا القضيه ونسال الله
ان نكون قد وفقآ ولو القليل في ايصال كلمه

الخللللللللللللللللود

[Mr...Waseem]

سرين اولا بشكرك على المرور الجميل

بس فعلا بتعزب بس شوف هيك اطفال ابرياء ما اقترفو زنب بحياتهم

انولدو ولئيو الشوك تحت رجليهم انولدو مشان المعناه

والكل بيحكي اللهم نفسي ما حدا ادر يعمل شي

والشي اصبح عادي عندنا موديل

والاسلام كل ما في بروح بينتهي كل يوم بيطلع النا شي جديد

مش عارف شو اعمول اكتر من الكتابه للاطفال هذول

فعلا اصبحت اخجل من حالي

[روح العاشق]

وسسسسسسسسيم
مــمـنوع الدخول اجتماع مغلق مع ضميري
اما تعلم انني اقرب منك من نظر عينك وكل ماتعمل اعرفه بمشيئة الله
اخي الضمير الحي صاحبه يعيش في عذاب وسأل مجرب ولاتسأل طبيب
المعذرة لقد خرجت عن الموضوع
اه ثم آه مما نعانيه جميعا ليس انتم فقط ولكن نحن نعاني معكم وضميرنا يعذبنا اننا جالسين نشاهد فقط ولانعمل شيئا
الله يسامحك دائما تعزف ايها العازف وسيم على الاوتار الحساسه
اخي ان شاءالله قرب الفرج وقرب النصر وعندها لا ولن تشاهد من هذا شئ باذن الله تعالى
لقد عددت مواقف كلنا نحزن وكلنا ضميرنا ويحاسبنا وعندما نأتي نفرح تسبق دموعنا فرحنا حزنا على مانشاهده
الله يعطيك الف الف عافيه
ودمت لي بود ايها الغالي
وانا في انتظار جديدك المبدع
اخوك وصديقك رفيق دربك /
روح العاشق

[Mr...Waseem]

الخلود جميع الطرق تأدي الى روما

شو بتتوقعي من طفل انولد محروم من كل شيئ اكيد راح يسوي ايه شي

والشحاذه اصبحت مهنه تمارس من قبل بشر استغلالين وحوش

لاكن الحكومه لازم تهتم للموضوع هيذا واهم من ايه موضوع

وتعتبرو مؤسسة موضه ولا مؤسسة سيارات ولا ايه شركه متل الي بيمتلكوهم

وتعالج القضيه بكل جديه

لاكن بيبقى كلو كلام عابر ومتل ما بيحكو بيطير مع نسيم الهوى

تشكري عزيزتي الخلود على المرور

تحياتي